Daahili Aloho 4:12-16

¹²Dogu aloho mo dagu ahina hai lodo, goe la di hadagee mo dono dama monowai gu abaaba, gu duuli hagammuni gi daha mo nia daangada,

¹³deelaa di gowaa e tomo humalia ai nia laagau lligi. E tomo humalia gadoo be di waa laagau ‘pomegranate’ e huwa ono huwa humalia huoloo, gadoo be nia laagau hauiha ‘henna’ mono ‘nard’,

¹⁴nia laagau lolokala ‘saffron’, mo ‘calamus’, mo nia ‘cinnamon’, mono hagadilinga mee hagakala guu logo i di gowaa deelaa. Nia laagau ‘myrrh’ mono ‘aloe’ e tomo i golo mono hagadilinga lolo kala ala i golo.

¹⁵Nia monowai e haga magalillili tadagee deelaa, nia dama monowai mmidi, mono dama aloalo e hali ia i nia Gonduu Lebanon.

¹⁶Di madangi o ngeia, ala aga! Di madangi o ngaaga, ilihia mai dagu hadagee, heia di ahiaalangi gii kala. Dogu aloho gi hanimoi gi dana hadagee gi miami mai i nia huwa laagau ala koia e humalia.