Än Salomon Köl 4:12-16

¹²Kofoti, en mi wor tongom me rei, ka usun chök eu tanipi mi köpüng, ewer, eu tanipi mi köpüng pwal eu puächen koluk mi tittila.

¹³Om kewe irä mi märitä lon ra wewe ngeni eu tanipin apel ra uäni sokun uän irä mi mürina. Ra pwal mär lon ekewe irä mi pwokus iter henna me nart,

¹⁴ekewe irä äfän, säpük me sinamon, pwal sokun irän apach mi pwokus meinisin, ekewe irä mi pwokus iter mör me aloes me nofitin mongö mi anö.

¹⁵En ka usun chök eu puächen koluk mi achöchönü ewe tanipi, pwal usun chök eu chönüttu mi ur ren koluk mi manau. Ka pwal wewe ngeni ekewe chanpupu mi puputiu seni ewe chuk Lepanon.

¹⁶Kopwe pwätä asepwälin efeng, etto asepwälin ör. Oupwe eniti tanipii we pwe pwoöchün epwe pwopwonfeil. Amwo ätewe mi wor tongan me rei epwe feito ren tanipin we o mongö seni uän ekewe irä mi mürina.