Buka Linge 57:3-6

³A gaia God ke nia hevei horu vaniu mai nina na hahanga ni kokou ge ke vavolau nia. Ge ke lavi kehau itadira agaira tara rughuhoru mai ge kara lakusau. A nigua na God ku nia hevei vaniu mai nina dolo mana utuni ke mua soko buto.

⁴Na lei bolo ghaghala tara ruturutu tara talighutiu. Na livodira tara vavangalua vaghai na tinabe ma kuali, mana lapidira tara kuikurisi vaghai na lei isi.

⁵Ko haba vule, Ghe God, vulei kinakabuni kokou tara haba vule dato. Na mararamu ke mararaa na maramana talighu.

⁶Na lei ghagua na kana tara lohi dalau na piti ni tarikauagu. Na kanoragha te nia veveru na huligu. I ghobuna na halautugu tara ghelia na gilu sule, Hauva ma gaira heghedira sono tara tumu haghe ilokana.