Buka Linge 54:1-4

¹Ko nia mai kolu na mana te laga, Ghe God, mo ko vavolau na levunimate! Ko pilupungisiu nia nimua na maana te laga.

²Ghe God, ko rongoviu ta nigua na kokoeliulivuti. Ko kabu vaovarongo mai ta nigua na nongi papara.

³Nia rana keha tu mua ghilalara tara liona na labuagu nia na lei totobo ni matemate; na lei mane laga tara liona na mateagu. A gaira tara totobo lee vamua itatana God.

⁴Hauva ka, ma God a nigua na hahanga A gaia Lord te pangotiu ge u vola!