Salmos 54:1-4

¹David we-namaked-Masquilʼye-nugad narmaksad. Namakmalad-e-iduedga soglesad: Neginotʼba-namakoye. Deun Zif-dulemar Saúlʼga sognonimargu: David anmar-abargi dukudiiye. Bab-Dummadye, be an-bendake, be-nug-dummarba-maidba be an-bendakdage. Be-ganguedgi be an-bendakdage.

²Bab-Dummadye, an-gornaid be an-itoge, an bega-ibmar-sognaid wis be an-itoge.

³Ar dule-galagwensurdamaladi, angi gwisgunanaid. Ar dule-sabesulidamaladi, an-oburgwega anbina gudimalad. Ar we-dulemar, bipisaagwar begi binsadisurmalad.

⁴Bab-Dummadbi unnila an-bendakedid, Bab-Dummadbi unnila an-sediid.