Buka Linge 147:1-13

¹Ivei vaho tua tea, na utona ra nia rivurivu, mana linge holoutoana dida na God.

²Gaia Lord te tughuru vaghi olia Jerusalem, me lavi olina nina vure Israel tara ghogho kolili.

³Gaia te togholuvui na lei toba paruruha, me mavoi na paedira.

⁴Gaia te padai na lei veitughu, me vatu ahadira.

⁵Haba vule dida na God, Me laga ngangata nina maana, Nina manaha te mua soko mua.

⁶A Lord te righitaonira rahei tara kabu rurughu, hauva te soni horura rana dika.

⁷Linge vania Lord nia na holouto, Tangi vania dida na God nia na ukalele.

⁸Te talura na lei lovu tana parako, me ke vetena mai na uha vania na pari mamaha, me ke gonia na buburu te totolo tana lei ghotu.

⁹Te nia vetena mai na vanga vania na lei maumanu, ma vania na lei maumanu pile tana bona tara tangi.

¹⁰A Lord te mua ghanaghana mava na lagana na horse, pe liona na lagana na tuana na mane.

¹¹Gaia te togotogo nia na lei vure tara nia kikinima, gaira tara pitudila nina dolo te kasila haia.

¹²Holoutoa Lord, Ighoe Jerusalem. Holoutoa God, na ghotu i Zion.

¹³Gaia te lagalagai na mataula ni Jerusalem, me vautora na vure ilokana na piluna,