Bugagia Bidibo Kolesagade Po Asęai Buku 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Wai, nago eno po odama, tama naga homuba bugagia muao.

²Nago te nageba wiegi yai homu kolesaga mabo poba te nago olo bugagia muao. Tama nago te wiegi yai kolesaga sabo sę bomo yao.

³Tama nago te wiegi yai homu kolesaga konebo te nageba asomainu te hanalu wao, te bidi me deligo nage tau sagasomainu i wabo tiwai yao.

⁴Tama nago te wiegi yai homu kolesaga gegebo sę eyu, te bidigo te silva mone te tǫ tomode gegebo tiwai eyu, me te augwaligo mone geme dualai te bidigo gege sę ebo tiwai gilama yaibao.

⁵Nago te sę dabe ebaso da, teda nago te Genuai Bidide wi eyu, aga dologode bidibo kolesaga page te mu koneama, tama nago te God bugagia koneaibao.

⁶Magi baso meni, Genuai Bidide digi agade te wiegi yai homu kolesaga page elalubao. Tama agai te wiegi yai homu konebo kolesaga te dabolo mabo dao.

⁷Agai te doloba pai bidi dabego homu kolesaga dodoliyu, tama augwaligo te augwa wali pabo kolesaga te bugagia dagalaibao. Tama agai augwali bugagia seselalubaso, te augwali me dologobeo.

⁸Godigo te doloba pai kolesaga ebo bidi dabe bobegela selama, tama te agade homugo kęą pali bagego wali pabo sunumi agai te tonalubo dao.

⁹Waio, te nago wiegi yai homu kolesaga bomonama gegegi peyu da, teda nago te bilibo wiegi yai sunumi tigidali koneaibao. Te nago te wiegi yai doloba pai kolesaga wali peyu, tama te tigidali bidibolo te tobage deli tigi poai kolesaga naga yaibao.

¹⁰Te nago wiegi yai homu hauwa selama, tama naga te koneani kolesagade te wiegi yai homu bugagia yaibao.

¹¹Te bugagia homu kone palubo kolesaga tego nage bobogela selama, tama wiegi yai kolesaga koneanigo te nage tonaluaibao.

¹²Tama nago te dwai kolesaga ebo bidi dabe, me te po dolo wasiąbo bidi dabego kolesaga wali me pogobeo.

¹³Te bidi dabe augwaligo te dolasa pabo sunumi tagalu, tama te hulia sai sunumidu bilibo dao.

¹⁴Augwaligo te haniani dwai kolesaga ebode te wiegi yai homu pemene yaibao.

¹⁵Te bidi dabego ebo kolesaga te dolo mu me ebeo.

¹⁶Tama gasa bidigo we me deligo te nago aga dali penani ebo kolesaga yainu nage muma sabo po obaso da, teda te wiegi yai homu ilibo pogo nage bobogela selama, tama nago te wego po wali me pogobeo.

¹⁷Te tobage wego te aga gesi wegi ogwa we bidibo sogo sali bidi tagalaibao. Tama agai te God gedude dąų wali po te wali munu ma pogobeo.

¹⁸Te nage te we dali agai beba pali da, te nage te isai bidi dabego buluba pabo sunumidu wali pabo tiwai gilama ebao.

¹⁹Te aga sugi pabo bidi dabe, te augwali ma geasa asogobeo. Tama augwali te bidibo ula elalubo bidi dabe bidibo sunumidu wali me pogobeo.

²⁰Te nago homu kolesaga wiegi yai elaluyu da, teda nage te wiegi yai bidi dabe bilibo sunumidu peyu, tama te doloba pai kolesaga ebo bidi dabego ebo kolesaga wali paibao.

²¹Te wiegi yai doloba pai bidi dabe da, te dago tǫde bugagia sesemane bidaibao.

²²Tiali goli, Godigo da te aga wali pisiąma te dwai kolesaga ebo bidi dabe sela sąwaibao. Te agai augwali magadu digayu, te bidigo aga gide te nai digabo tiwai gilama yaibao.