42Tec Anôtô gêjam dêmôê êsêac ma kêkêŋ êsêac sêjam sakiŋ umboŋ ŋagêlôŋ kêtôm teto gêc propetenêŋ buku gebe ‘Amac lau Israelwaga, gêdêŋ taŋ amoa gamêŋ sawa e jala 40 naŋ, oc akêŋ bôc to da gêdêŋ aê me masi.
43Amac abalaŋ gwam Moloknê bec to anôtô gwam Repan nê utitalata ma agôm gêŋ tau ŋakatu abe ateŋ mec êpi. Amboac tonaŋ aê jawê amac e naaŋgôŋ Babel ŋamakeŋ ônêŋa.’
44“Aêac tameŋi sêkôc lôm bec, taŋ gêwa Anôtô gêmoa gêwiŋ êsêacŋa sa naŋ, sêmoa gamêŋ sawa. Ac sêmasaŋ kêtôm ŋadôŋ, taŋ Anôtô kêtôc gêdêŋ Mose gêlic ma kêjatu eŋ gebe êŋgômŋa naŋ.
45Tameŋi sêbalaŋ lôm bec tonaŋ sêwiŋ Josua sêja lau samuc nêŋ gamêŋ, taŋ sêkôc su naŋ. Anôtô tau gêmuŋ tameŋi ma kêtiŋ lau samuc su, tec lôm bec kêkô gamêŋ tonec e gêdêŋ Dawidinê têm.
46Anôtô gêlic Dawid ŋajam, tec ŋac tau keteŋ gebe êtap gamêŋ teŋ sa ma êsuŋ Jakobnê Anôtônê andu teŋ sa êkô.
47Mago gêc e Salomo kêkwê Anôtônê andu tau.
48Tageŋ Lôlôc Ŋatau oc êŋgôŋ andu, taŋ sêgôm ŋa lemeŋ naŋ atom, êtôm propete kêsôm gebe
49‘Undambê kêtu ŋoc lêpôŋ ma nom kêtu ockaiŋ ŋakademboŋ. Apômtau kêsôm gebe Amac abe akwê aêŋoc andu amboac ondoc, me ŋoc gamêŋ, taŋ jaŋgôŋ tekoc saki êsaŋa naŋ, oc ênêc ondoc.
Apostolo 7
Apostolo 7:42-49