Apostolo 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Biŋ kêtu malô acgom, go Paulu kêkac ŋacseŋomi sa ma gêlêŋ biŋ êsêac to kêkam êsêac lemeŋ ma gêdi gêja Makedonia.

²Eŋ gêjac laoc gamêŋ tonaŋ ma gêlêŋ biŋ êsêac ŋa biŋ taêsam e jakêsa Helennêŋ gamêŋ.

³Gêmoa e ajôŋ têlêac gêjaŋa ma gebe êpi waŋ êna Suria, tec kêtap sa gebe Judawaga dêdib eŋ. Amboac tonaŋ taê gêjam kêtu tôŋ gebe êsa Makedoniaŋageŋ êmu êna êtiam.

⁴Puru Beroiaŋa latu Sopatra ma Aristarka agêc Sekundu aŋga Tesaloniki, —Gai agêc Timote aŋga Derbe ma Tukiki agêc Tropim aŋga Asia sêsêlêŋ sêwiŋ eŋ.

⁵Ŋac luagêc tonaŋ sêmuŋ ma sêôŋ aêac aŋga Troas.

⁶Aêac alic Om Polom Ŋalucŋa su acgom, go asuŋ su aŋga Pilipi ma alac amoa e bêc lemeŋ teŋ, go jaasô Troas adêŋ êsêac ma aŋgôŋ tonaŋ bêc 7.

⁷Gêdêŋ woke ŋabêc ŋamataŋa aêac akac sa kêtu apô polom êkôcŋa ma Paulu gêjam biŋgalôm gêwiŋ êsêac. Eŋ taê gêjam gebe ŋaeleŋ go êndi, tec sêjac têku biŋgalôm e gêbêcauc gêja lugeŋ.

⁸Êsêac têtuŋ lamp taêsam gelom aŋga ŋadeŋ, taŋ aêac akac sa naŋ.

⁹Paulu gêjam biŋgalôm gêmoa ma ŋapalê teŋ, nê ŋaê Aitiku, gêŋgôŋ katam sauŋ, tec bec gêgôm eŋ e kêliŋ tau siŋ ma gebeŋ kêsêp ŋadeŋ têlêac tonaŋ gêja e tomatêgeŋ. Tec lau sêkôc eŋ sa.

¹⁰Paulu kêsêp jakêtap labôc gêsac eŋ ŋaô, go gêlô eŋ tôŋ ma kêsôm gebe “Ali taôm sa atom, katu tec gêmoa eŋ ŋalêlôm.”

¹¹Go gêmu kêpi gêja kêtiam, jakepô polom kêkôc ma geŋ, go gêjam biŋgalôm gedeŋ tôŋgeŋ e gêu bôŋ kêsa ma gêdi gec gêja.

¹²Ŋapalê tau, taŋ mata jali kêsa naŋ, sêkôc eŋ sêja totêntac ŋajamgeŋ.

¹³Paulu kêsôm gebe êmoa baugeŋ êna ma aêac lau ŋagêdô api waŋ amuŋ naasô Asos gebe akôc eŋ sa aŋga tônê.

¹⁴Aêac asô Asos e atap tauŋ sa kêtiam ma akôc eŋ sa jaasô Mitulene.

¹⁵Ŋabêbêc aêac asuŋ su ma alac e apoac akanôŋ Kio ma ŋageleŋ asô Samos e ŋageleŋ teŋ, go jaasô Milete.

¹⁶Paulu taê gêjam kêtu tôŋ gebe êsô Epese atom, êôc kêsigeŋ êna. Eŋ gebe ênam gamêŋ tôŋ êmoa Asia atom, kêkac taugeŋ gebe êna Jerusalem ma embe ŋasawa êtôm, go naelic om Pentekost aŋga tônê.

¹⁷Paulu gêmoa Miletegeŋ ma kêkêŋ biŋ gêja Epese ma kêkalem gôlôac dabuŋ nêŋ laumata gebe dêndêŋ eŋ sêna.

¹⁸Jasêô lasê dêdêŋ eŋ tec kêsôm gêdêŋ êsêac gebe “Amac alic ŋoc lêŋ, taŋ kasa gêdêŋ gaô lasê gamêŋ Asia wakucgeŋ ma kasa kêtôm têm samob, taŋ gamoa gawiŋ amac naŋ.

¹⁹Aê gajam sakiŋ Apômtau ma gabu tauc tomatoc-sulugeŋ ma katap lêtôm sa gebe Judawaga dêdib aê.

²⁰Ma kêgamiŋ biŋ êmoasiŋ amacŋa teŋ atom, kasôm lasê gêdêŋ amac to kadôŋ amac aŋga awêgeŋ to andulêlôm gêwiŋ.

²¹Aê gawa sa ŋanôgeŋ gêdêŋ lau Juda to Helen gebe sênam tauŋ ôkwi êndêŋ Anôtô to sêkêŋ êwiŋ Apômtau Jesu Kilisi.

²²Ma galoc Ŋalau Dabuŋ gêjam gôliŋ aê gebe jana Jerusalem ma gêŋ, tê êtap aê sa aŋga ônêŋa nê, tau kajala atom.

²³Tageŋ tonec ŋalau Dabuŋ gêwa sa gêdêŋ aê kêtôm malacgeŋ ma kêsôm gebe oc jatap kapoacwalô to gêŋwapac sa.

²⁴Aê taêc labu ŋoc katuc atom. Aê gabe janac dabiŋ ŋoc lêŋ to sakiŋ, taŋ kakôc aŋga Apômtau Jesu nê naŋ, gebe jawa ŋawae ŋajam Anôtônê moasiŋŋa sa.

²⁵“Ma galoc aê kajala gebe amac samob, taŋ gajam mêtê kêpi Anôtônê gamêŋ gamoa gawiŋ amac naŋ, oc alic aê laŋôc êtiam atom.

²⁶Amboac tonaŋ galoc tecenec jawa sa êndêŋ amac gebe Amacnêm ŋac teŋ embe ênaŋa, aê oc jawê biŋ tonaŋ ŋakaiŋ teŋ atomanô,

²⁷gebe kêgamiŋ biŋ teŋ atom, kasôm Anôtônê biŋ lasê tomalageŋ gêdêŋ amac.

²⁸Ajop taôm to lau samob, taŋ ŋalau Dabuŋ kêkêŋ amac atu êsêacnêŋ gejobwaga gebe ajop Anôtônê gôlôac dabuŋ, taŋ eŋ gêjam ôli êsêac ŋa tau nê dec naŋ.

²⁹Aê kajala gebe aê embe jawi amac siŋ jana ma kêam sec oc dêndêŋ amac mêŋsêlênsôŋ gôlôac ŋawaô.

³⁰Ma lau ŋagêdô aŋga amac taôm nêm oc sêndi mêŋsênam mêtê ôkwi e sê ŋacseŋomi têndaŋguc êsêac.

³¹Amboac tonaŋ anam jaligeŋ, taêm ênam gebe jala samuc têlêac gêŋgôŋ gawiŋ amac ma gajac biŋsu amac gêdêŋ-gêdêŋgeŋ tomatocsulugeŋ kêtôm bêc to geleŋ samob, kêlêwaŋ atom.

³²“Ma galoc jansuŋ amac andêŋ Anôtô to nê moasiŋ ŋabiŋ ana. Eŋ kêtôm gebe ênac dabiŋ amac to êkêŋ gêŋlênsêm êndêŋ amac awiŋ Anôtônê lau samob.

³³Aê matoc katu lau teŋ nêŋ silber to gold ma ŋakwê atom.

³⁴Taôm alicgac gebe lemoc tecenec gêjam aê to ŋoc lau ma apô lêna sa.

³⁵Aê kadôŋ amac kêpi gêŋ samobgeŋ ŋapaŋ gebe tanam kôm ŋajaŋa amboac tonaŋ, ec tanam lau ŋasec sa. Taêm ênam Apômtau Jesu nê biŋ, taŋ tau kêsôm gebe ‘Takêŋ gêŋ êndêŋ lau naŋ êmoasiŋ aêac êlêlêc takôc gêŋ aŋga launêŋ su.’”

³⁶Paulu kêsôm biŋ tonaŋ su, go kêpôŋ aduc ma keteŋ mec gêwiŋ êsêac samob.

³⁷Lau samob sêmbôêŋ tauŋ to têtaŋ ŋanô ma sêlêsôp eŋ alianô.

³⁸Ênê biŋ, taŋ kêsôm gebe êsêac sêlic eŋ laŋôanô êtiam atom naŋ, tec gêgôm êsêacnêŋ ŋalêlôm ŋawapac kêlêlêc. Sêgôm tonaŋ su, go sêkêŋ eŋ kêpi waŋ gêja.