1Abijah athi phat chun Davidkhopia chun akivuitan ahi. Chuin achapa Asa chu ama banin Lengin ahung pangin, Hiti chun gamsunga chun Kum som sung Chamna le Lungmona anaumin ahi.
2Asa chun Pakai a Pathen mit mun alunglhaina dingle thilpha jeng abollin ahi.
3Aman gamchom miho maicham phungle doihou ho doikhom chu aladoh soh keijin ahi.
4Asa chun Judah ten apu apau Pakai Pathen aholluva chule a daan ho le athupeh banga anun diuvin thu apetan ahi.
5Asa chun Judah khopi jousea doikhom chujongle gimnam tui ahal nao maicham phungho jong chu aladoh soh kei tan ahi.
6Chuche chamna kum sungchun Judah gamsung pumpia Khopiho kul (Tho pal), ana gendoh jouvin ahi. Hiche phat sung hin ama dounan koimachan gal anabol poi, ajeh chu pakai in agalmi ho akonna akichol do sah ahi,
7Asa chun Judah mite chu aseipeh’in, Khopi ho sau hitin, chule bang insang, kotpi le thihkhao to thon kulpi gen uhite gam hi eiho’a ahijenge ajehchu eihon Pakai Pathen chu ina holjinguva, chule aman akimvel jousea hi chamna eina peh u ahi,” ati. Hiti chun amahon hiche tohgon ho chu ana chepiuvin atongdoh sohkeitaovin ahi.
8Asa chun tengcha le kidalnapho mangcha Judah phunga kon Sepai hangsan sang jathum aneijinahi. Chujongle Benjamin phungakonin, Kidal na pho neoloi le thalpimangcha sepaigalhang sang janile somget aneijin ahi, sepai hon (group) anigella la chu galsat je danphate cha kihil them mi ahiuve.
9Khatvei chu Ethiopia mi Zerahkiti pa chun Sepai mi Nelkhat chulesakol kangtalai jathum chun Judahte chu ahin no khum un ahi. Amahochun Mareshah khopi chan ahindellutnun ahi.
10Chuin Asa chun a Sepai techu galsat din sah lam a Mereshahphaichamma chun akoi tan ahi.
11Chutah chun Asa chun a Pakai Pathen henga atao in, “Vo Pakai Nangtai lou koima khatcha hichethanei lou keima hin thaneitahgalmite douna eikithopi jou dingaumpoi, “Neipanpeuvin o Pakai, Ka Pathenu nei panpiuvin, Ijehinem itile nangma jengbou katahsan nu nahi’e, hiche nangma minnachu hiche simjoulou dou dingahung kon doh a kahiuve, O Pakai Nangma ka Pathen u nahin, Hichemihem ho hi Nang sangin chungnun sah hih hellin,” ati.
12Chuti chun Asa le Judah sepaiho masanga Pakai in Ethiopi mitegal ajo peh in ahile galmite chuajam taovin ahi.
13Asa le a Sepaite chun Gerarchan chu agadellun chule hitichun Ethiopi mite tamtah chun kinung tho doh jou kit dingin akigeltapouve. Amaho chu Pakai le asepaiten asumangun chuin Judahte Sepai ho chun thilkeo tampi ahinkipoh doh taovin ahi.
14Amaho Gerar’a aum sunguchun chuche gamkai’a khopi hochu ano khum un ahile Pakai akon achunguva kichat tijat a chu inahi. Amahon hiche kho jouse chua chomun ahi, ajeh chu hiche laimunna chu mithil lah ding atamatam uma ahi.
15Amahon gancha chingho gebuhjong chu anokhum uvin kelngoihon kelcha le sangongsao hon hochu ahin kipuidoh uvin, chuin amaho chu Jerusalema ahung kinung letaovin ahi.
