2 Thusimbu 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Solomonin ataona ahin chai chai Chun, Vana konin meikongahungkikho lhan pumgo thilto holekilhaina ho Chu akavam soh keiyin, chuin Pakai loupina chun Houinsung chu alo dim soh jengin ahi.

²Pakai loupinan Houin sung alodimtah jehchun Thempu ho Chu Houinsunga chun alut thei tapouvin ahi.

³Israel Mipi ho Chun meikongahung kikholhah’a Houin sung alodimset chu amuphat uchun Pakaichu Ahou un avahchoitaove. Pakaihi aphai, Ami lungsetna long louchu atonsotnin aumjinge atiuvin ahi.

⁴Chuin Lengpa le mipi ho Chun Pakaidingin kilhaina thiltoabolluvin ahi.

⁵Lengpa Solomon chun Kilhainaman dingin bong sang som le ni Kelngoi le Kelcha sang jakhat lesang somni atoh doh in ahi, Chuin Lengpa le mipi ho chun Pathen Houin chu akatdoh taovin ahi.

⁶Thempu ho chun akingansenao panmun cheh chu alo-uvinchule, chutabang ma chun Levi techun “Ami lungsetna longlouvinatonsotnin aum jinge tin lan asaove, Amaho chun Lengpa David in Pakai vahchoina dinga anasem lachu tumging to thon asaovin ahi. Israel mipi ho adin sungu chun Levi te maidon tah a chun thempu hon sumkon amut uvin ahi.

⁷Chuin Solomon chun Pakai Houinleitollailungtahchuathenson, pumgo thilto le sathao Chamna thilto ho chu hilai munnachun alhan doh in ahi, ijeh innemitile sum eng maicham chun pumgothilto ho, lhosoh gasoh thilto chulesathao chamna thilto chu adollouahitai.

⁸Solomon le Israel mipi Chun nisagisungin Lhambuh kut amangun ahi. Agamla penna seidingin sahlama Lebohanath chule lhanglama Egyptgamgi changei mi atama tamakikhomdoh un ahi.

⁹Amahon maicham mun katdohnadin ni sagi amangun, Lhanbuh kutbolnan nisagi ma amang un ahi. Chuin Aniget lhin nin akhum khanakin abollun ahi.

¹⁰Kin bol kichai chun Solomonin miho chu ama ama incheha asoltan ahi. Amahochu akipah thanomtheilheh jenguve. Ijehinem itile Pakai chu David le Solomon chuleami Israelte dingin ana phajingjengin ahi.

¹¹Chuti chun Solomon chun Pakai Houin le leng inpi asah jongchu ajousoh tan, chule atohgonbangchun Houin le Leng inpi sahnadinga thil jouse chu achai tan ahi.

¹²Chuin Jankhat chu Pakai Solomon henga ahungkilah in Nataona kasanpeh in chule hiche Houin hi kilhaina ho lhandohna mun dingin kalhengtai ati.

¹³Iti hamkhatna vankot kakha’a gotui ajuhlou ham, khaokho hothukapeh’analhosohgahouchunga achuh ham, natna hise pulnalah’uva kalansah ham tengle,

¹⁴Hichea chu kamite kaminnakikousate chu ahung kineosah-uvaagitlou nao lampi ho’akona ahungkinung heikit uva, kamai ahinholluva ahung tao tengule keimanvanna konna atao nau kangaipeh’aachonset gitlou nau kangai dammachule agammu kakile doh sahkitding ahi.

¹⁵Hiche Houin munna konna taonakimang jouse kahin vetna kanakolkahin sun ding ahi.

¹⁶Ijeh Inem etihle Hiche laimun hiatumbeh’a atheng dinga ka lhendohahitan hiche laimun hi aitih’akamin kijabolna hijing ding ahitai. Keiman hiche laimun hi phatseh’akavet tup jing ding ahi, Ijeh inemitileh hichelai mun hi, kalungthimin angailut pen chu ahi,

¹⁷Nangma jengin jong napa Davidbanga Kathupeh hole chondan ho ledan ho jouse hi kitah na neitah’a najuileh.

¹⁸Chuphat le chun nangmaphungui’a laltouna katundoh dingahi, Hiche na dinga chu keimannapa David toh kitepna kanasemma chu hiti hi ahi.” Nangmachilhah holah’a khatpen hin Israelchunga vai ahop jing ding ahi ati.

¹⁹Ahinlah ihamtia nachihlhah teneinungsun uva chule nangma kapehchonna dan hole kapeh thuho hiangailou uva nangma jengin jong Pathen dang ho najen lea na hou leh,

²⁰Chuteng le chun Keiman hiche mite chu amaho kana pehsa hiche gam’a kona chu abul, abala kabodoh ding ahi chuleh hiche Houin kamin jabol nadingle atheng dinga kisa jonghi kapaidoh ding chule namdang mi holah’a hichelai munhi nuisat le japi limbep bou kaso ding ahi.

²¹Chule tuhin hiche Houin hi akijabol lhehnai ahinla hiche teng chulehahinjotpahonadatmodiu amahochu kidong touva, ipijeh’a iti danna Pakai in hitobang loma thil melse hi hiche gam le Houin chunga hi aboljeng ahitadem atidiu ahi.

²²Chutengchuleadonbutna, “Amiten apu apateu Pakai Pathen, Egypt gamma konna ahinpuidoh pauchuanungsunuvaama khella chu Pathen dang ahou uva amasanga abohkhup jeh uva Pathennin hitabang vangset naho hi achung uva alhunsah ahitai,” ati diu ahi.