1 Pedru 3:3-13

³A bakkan mina ta kaispot na huk muy ikid na barawasi muy ya pake pakolangan muy, te bakkan ta yen ya kakurugan na ispot.

⁴Mapmappya hud la ta nonotan muy ya masippat ikid na magintak ta nonot muy, te ye-yen na ispot ya awan magdan, ikid na dayawan na Namaratu ewan.

⁵Kumanen ya kaispot na popolu kiden babay nga nangikatalak ta Namaratu ta idi, te timuluk kid hapa ta āttawa da.

⁶Ta kuman ni mina Sara en a timuluk hala ta atawa na en Abraham, te nekwenta na ta dafu na. A am mappya hapa ya tarabakun muy gafu ta awan ta burungan muy ta dulay a negitta kam hapa te mina Sara en.

⁷A ikamuy hapa nga lālāki a nonotan muy ta pake makāfuy ya bari na āttawa muy ammi ta bari muy, a iddukan muy kid mantu, te mesipat kid hapa tekamuy ta magnayun na angat nga neatad na Namaratu tekamuy. A iddukan muy kid mina petta awan ta mangsalin ta pakimallak muy.

⁸A ya mabidak hapa tekamuy ngamin a pagdadaggan muy ya nonot muy, ikid na magkaid-idduk kam ta kuman na magkabagis, a makipagrikna kam ta kahulun muy kidina, ikid na magkapaspasensa kam.

⁹A awemuy la ibalat ya dulayen, te atadan muy hud la ta mappya, te yen ya gafu na nepangalap na Namaratu tekamuy petta maatadan kam hapa ta mappya.

¹⁰Te ya uhohug na Namaratu ta lebru na en a “Ya mayat matolay ikid na makagamid ta mappya a mappya ta awena maguhohug ta dulay ikid na awena magladdud,

¹¹am awa pagtalekudan na mina ya ngamin dulay, petta mangwa ta mappya. A pake apagan na mina ya pakikappya na ta sakā tolay na kiden, petta yen la ya nonotan na,

¹²te kumanen hapa ya taronan na Namaratu, a dangagan na hapa ya pakimallak na. Ammi ta mangwa en ta dulay a pagporayān na hapa,” kunna.

¹³A am malogon kam mantu nga mangwa ta mappya a itta hud sangaw mangigakkad tekamuy?