1 Lengte 9:1-19

¹Tun Solomon in Pakai Houinleh ama Leng inpi asa chaitanahi. Aman toh dinga agon tohdungjuijin ijakai atongchai soh hel tan ahi.

²Hichun Pakai chu tu masang’a Gibeon na ana kilah bang bang in, tun ani vei channa in Solomon komah ahung kilah kit tan ahi.

³Pakaiyin, “Keiman natao nale nangaichat na hinlhut hochu kahe tai. Keiman hiche houin hi ka thensotai. Hichehi ai-tih channa keimamin kija jing na dinga nasahdohahitai. Hiche hi ka lungthim gil’aka ngainat khat ahi jeh in keimanhiche hi vesui jing nang’e.

⁴Chuleh nang in napa Davidbanga kitah tahleh lungtheng tah’aneijuiya, kathupeh leh ka Dan honanit jing’a kachondan najui jing’a ahileh,

⁵Hitengle chun Israel lenggam hitonsotna katundoh jing ding ahi. Ajeh chu napa David kom’a kana kitepna banga Israel laltouna’a hinachilhah khat katousah jing dingahi.

⁶Ahinla nangma ahilouleh nachilhah ten nangma kaseipeh, ka Dan sem holeh kathupeh hohinapaidoh’a, na juida-a pathen dangnahou uva na jon uleh,

⁷Keiman hiche gam kapeh nauva Israel hi kakaidoh ding kaminloupina ding’a hiche Houin kathensosa jong hi kapaidoh dingchule Israel jong hi nam dangtenuisat leh tot thanghoiya naumding’u ahi.

⁸Chujongle tuhin hiche houin hithupi lheh jeng jong leh hiteng chuleahinho pa jousen alu u apei uvaadatmo diu ahi. Amaho ki dong touvin tin, “Itidan na Pakaiyin hichegamle hiche houin hi manlou aso hitam?” ati diu ahi.

⁹Chule amaho chu hitia hi kidonbutto diu ahi, “Ajeh chu hiche mitehin Egypt’a kon’a apu apa teuhin puidoh’a, Pakai a Pathen’uchu adondauva Pathen dang ahouuva, achibai jeh’u ahi, hijeh’a chu Pakaiyin a chung uva hitobanghamset nahi alhunsah ahitai,” atidiu ahi.

¹⁰Solomon in Pakai Houin asahnale ama leng inpi sahna a kumsomni a sulut nung phat kichai lamin,

¹¹Aman Tyre Lengpa Hiram chu Galilee gam’a khopi somni chuana pen ahi. (Hiram hin, Solomon Cypress thing chuleh sana ana pehahi).

¹²Ahin Tyre a konin Hiram hiahung in Solomon in apeh khopiho chu ahung ven ahileh akipahbehseh pon ahi.

¹³Hijeh chun Hiram in Solomonjah’a, “Sopi, hiche khopiho pikhuipi ding ham?” atin ahi. Hijeh chun Hiram min hiche gamchu Cabul tinamin asah’e, hichun, “pannabei” tina ahi. Tunigei hin hiti chun aminakivo den in ahi.

¹⁴Ahiyeng vang in Hiram in Solomon chu sana talent jakhat lesomni ana pen ahi.

¹⁵Solomon lengpan soh na tongmi anagoiya anasahdoh ho chu; Pakai Houin, Leng inpi le avel ho, Jerusalem pal kikaikhum, Hazor, Megiddo leh Gezer khopi ho chu ahi.

¹⁶Egypt lengpa Pharaoh in Gezerchu gal anokhum’a analah a, Canaan mite anatha gam’a meijaahal lhah jou uva hiche khopichu Solomon toh kicheng achanuakanpeh ahi.

¹⁷Solomon in hiche Gezer khopichu asapha kit’in, aman Beth-horonnoi lang khopi ho jong chu asaphakit in ahi.

¹⁸Hiche gamsung’a gam manglah’a um Baalath le Tamar jong chu ahi.

¹⁹Aman thilkholna ding leh sakolho leh sakol kangtalai ho koinadingin jong khopi ho ana sadoh inahi. Aman Jerusalem le Lebanonnah chu leh agam sung pumpi’a asah doh nom jouse ana sah doh sohkei in ahi.