1 Lengte 22:31-40

³¹Alang khatna Syria lengpansakol kangtalai touthem lamkaisomthum le ni ho jah’a chun, “Israel lengpa bou chu nokhum un adang ho chu limsah hih un,” ati.

³²Hitichun Syria sakol kangtalai touthemhochunalengvonnakivon Jehoshaphat chu adelkhumgo taovin ahi. Amahon, “Hichekhu Israelte lengpa ahi,” tin ahinsam’un ahi. Ahinlah Jehoshaphatchu ahung penjah phat’in,

³³Sakol kangtalai touthem lamkaiho chun Israel lengpa ahilouahetdoh phat un adel tapouvin ahi.

³⁴Ahin Syria sepai khat in Israelsepaite lah’a chu agah moh donkapleh Israel lengpa chu a Omphokikah a chun thal chu alut kha tanahileh Ahab chun asakol kangtalaitolpa koma chun, “Sakol chu nungtol inlang, hichea kon hin nei toldohtan,” ati.

³⁵Nilhum keijin galchu akisat in, lengpa chu Syria mite lang angansakol kangtalai chunga chun akijamin ahi. Athisan chu amaha akonchun tol ah avalhan nilhah lang inahitan ahi.

³⁶Nisa chu ahung lhumphat insepaiho lah a chun, “Gal i-lel taove, na kihinso thei nading cheh un jamtauvin,” tin ahung kisam tan ahi.

³⁷Hitichun lengpa athitan atahsachu Samaria a ahin polut’un avuitaovin ahi.

³⁸Hijouchun asakol kangtalai chu Samaria twikul pang ah asop thengun ahi. Pakaiyin ana tep peh bangchun numei kijohho kisilna munnachun athisan chu uicha hon ahunglehngim un ahi.

³⁹Ahab vaihom sunga thilsohholeh aman ana tohdoh ho, saihaa asahdoh leng inpi ahin khopi ana lengte thusim kijihna lekhabuachun aki jihlut in ahi.

⁴⁰Hitichun Ahab chu athitan ahilehachapa Ahaziah chun lengmun ahinlotan ahi.