1 Lengte 18:13-29

¹³Jezebel lengnun Pakai Themgaote thagam dia agot laija, thilsohchu koiman na jah’a aseilou ham? Keiman themgao ho jakhat chusongko nia kana seldoh’a an le twikana peh ahi.

¹⁴Ahin tun nangin chenlang napupa nati. Hepu, hichu ka seileh Ahab in eitha tei tei ding ahi,” ati.

¹⁵Ahinlah Elijah in, “Keimaa-angsung’a ding jing, Pakai thaneipen minna kihahsel’a kasei ahi, tuni tah’a hi Ahab chu keiman kakimupi tei ding ahi,” ati.

¹⁶Hijeh chun Obadiah in Ahabkom’ah, “Elijah ahung’e,” aga tinahileh, Ahab chu Elijah toh kimutodingin achen ahi.

¹⁷Ahab in amuphat in ahin samin, “Israel suboi jingpa nangma nahung hinam?” atin ahi.

¹⁸Elijah in adonbut in, “Keiman Israel kasuboi poi, nangma le nainsung mite in na suhboi ahibouve, ajeh chu nangin Pakai thupehnitlouvin, Baal semthu Pathen johna hou uvin ahi.

¹⁹Tun Israelte jouse Carmelmol’ah khom in, Baal themgao jalile somnga toh Asherah themgao jali Jazebel in avah ho chu kouvin,” ati.

²⁰Hiti chun Ahab in Israel mipihole themgao hochu Carmel mol ahakou khom in ahi.

²¹Hichun Elijah chu amahomasang ah ading doh in, “Phati-chanpi hi lunggel khenna neilouva lungni pu’a naum jom jingnahlai diuham? Pakai hi Pathen ahinatiu leh jui jeng’un, ahinla Baal hipathen ahi natiu leh jui jeng’un,” atin ahi. Ahinlah mipi chu athipchetjeng un ahi.

²²Hijou chun Elijah in amahokom’ah asei tai, “Pakai themgaoaki hinghoiya keima changbou kahitai, Baal doi themgao ho vang jali le somnga alhing uve.

²³Tun bongchal ni hin kailut uvin lang, amahon bongchal khat kilhenmasat uvin tin, that’u henlang, asemtel jou teng uleh thinglomchung’a khun koi uhen, meivang atitheilou diu ahi. Kenjong bongchalkhat joh chu that ing ting thinglomchunga koi jing tin ama vang meikati lou ding ahi.

²⁴Hijou teng chuleh na pathen’umin kou un, chule keiman ka Pakaimin kakou ding ahi. Hiteng chulehmei konga hin donbut pen penchu, Pathen dih ahi ti hetna ahi jenge,” ati. Hichu mipi hon a-nop pehtauvin ahi.

²⁵Hichun Elijah in Baal themgaoho kom ah, “Nangho atamjonahiuvin, bolmasauvin,” ati. Hichun bongchal khat joh chukilhen unlang kisem un, na pathen’uchu kou’un, amavang thinglomchung’a chun mei tih hih un,” ati.

²⁶Hiti chun amahon bongchal khatchu alheng un, athat un, asem tohun, maicham chung achun akoiyun, jingkah’a pat sun gei jin, “O Baalneihouvun” tin apeng peng jengtauvin ahi. Hijou chun amahoalam’un, maicham vella chun asuhchop atou chop jing un ahi.

²⁷Sun kim ahung hi phat’in, Elijahchun amaho chu atot in, “Na hasapjep’u ngai inte ajeh chu ama pathenahin, asun imut phat ahi loule, akicholdo phat ahilou leh akhol jin petahiloule, a imut pet hija suhkhahngai himai thei ahi,” ati peh’e.

²⁸Hijeh chun amahon, ahasapcheh, aha sap cheh jeng un chuleh achon na’u dungjuijin chemcha le chamjam in athi’u ahung kikhodohmasang sen aki at-chen chen jengun ahi.

²⁹Hiti chun nilhah lam kilhaiphatdon geiyin akap’un apengun, ahivangin, ogin ima la aja pouvini-macha donbut na amu deh pouvin ahi.