1 KINANƆ 6:24-36

²⁴Ń dɛ̀mbɛrɛnↄ gbã̀na kà gã̀sãkuru sↄsↄↄro. Zaa dɛ̀mbɛrɛ do lɛ́a la ari a do lɛ́a dire a gbã̀na kà gã̀sãkuru kuri.

²⁵Kɛrubu mɛ̀n pla pìnↄ bòkↄ̃a, ò lɛɛlɛmɛ.

²⁶Ń pla ń pínki lei kà gã̀sãkuru kurikuri.

²⁷Akũ à ń kátɛ kpɛ́ pì nɛ́ gũn. Ń dɛ̀mbɛrɛnↄn poroporona, a do dɛ̀mbɛrɛ gɛ̀ɛ à pɛ̀ gbĩ̀ia dire, a do pↄ́ pɛ̀ gbĩ̀ia la, akũ ń dɛ̀mbɛrɛ kũ ò gↄ̃̀nↄ pɛ̀kↄ̃a kpɛ́nɛ pì guragura.

²⁸À wuraa nàna kɛrubuu pìnↄa dↄ.

²⁹À ↄzĩ kɛ̀ kpɛ́ pìi gbĩ̀nↄa kpɛ́da kũ a nɛ́o pínki, à kɛrubunↄ wãnzãn kɛ̀ kũ domina línↄ kũ lávu piananↄ.

³⁰À wuraa kpàtɛ kpɛ́ pì zĩtɛ dↄ, kpɛ́da kũ a nɛ́o pínki.

³¹À kpɛ́nɛ pì gbànↄ kũ a lípɛtɛnↄ kɛ̀ kũ kù lío. A musu kɛ̀ sↄ̃ntɛ.

³²À ↄzĩ kɛ̀ kù lí gbà mɛ̀n pla pìnↄa, à kɛrubunↄ wãnzãn kɛ̀ kũ domina línↄ kũ lávu piananↄ, akũ à wuraa nànaa.

³³À kpɛ́da gbà lí kɛ̀ kusuru siikↄ̃ kũ kù lío dↄ.

³⁴À a gbànↄ kɛ̀ kũ pini lío nɛ́ pla. Gbàa pìnↄ nɛ́ pínki dì nakↄ̃a guragura.

³⁵Akũ à ↄzĩ kɛ̀ gbàa pìnↄa, à kɛrubunↄ wãnzãn kɛ̀ kũ domina lío kũ lávu pianaao, akũ à wuraa nànaa.

³⁶À bĩni bò à lìka a ↄnnyĩ. Bĩni pìi gbɛ̀ kũ ò ànↄ vĩ didikↄ̃ana lɛu aakↄ̃kↄ̃, akũ sida lí kũ ò zↄ̃̀nↄ kpákpa a musu.