ⲒⲰⲀⲚⲚⲎⲤ ̅Ⲁ 5

1

2

3

4

5

¹ⲞⲨⲞⲚ ⲚⲒⲘ ⲈⲦⲠⲒⲤⲦⲈⲨⲈ ϪⲈ ⲒⲎⲤⲞⲨⲤ ⲠⲈ ⲠⲈⲬⲢⲒⲤⲦⲞⲤ ⲚⲦⲀⲨϪⲠⲞϤ ⲈⲂⲞⲖ ϨⲘ ⲠⲚⲞⲨⲦⲈ ⲀⲨⲰ ⲞⲨⲞⲚ ⲚⲒⲘ ⲈⲦⲘⲈ ⲘⲠⲈⲚⲦⲀⲨϪⲠⲞϤ ϢⲀϤⲘⲈⲢⲒ ⲠⲈⲚⲦⲀⲨϪⲠⲞϤ ⲈⲂⲞⲖ ⲚϨⲎⲦϤ

²ⲀⲨⲰ ϨⲘ ⲠⲀⲒ ⲦⲈⲚⲈⲒⲘⲈ ϪⲈ ⲦⲈⲚⲘⲈ ⲚⲚϢⲎⲢⲈ ⲘⲠⲚⲞⲨⲦⲈ ϨⲞⲦⲀⲚ ⲈⲚϢⲀⲚⲘⲈⲢⲒ ⲠⲚⲞⲨⲦⲈ ⲀⲨⲰ ⲚⲦⲚⲈⲒⲢⲈ ⲚⲚⲈϤⲈⲚⲦⲞⲖⲎ

³ⲦⲀⲒ ⲄⲀⲢ ⲦⲈ ⲦⲀⲄⲀⲠⲎ ⲘⲠⲚⲞⲨⲦⲈ ϪⲈⲔⲀⲀⲤ ⲈⲚⲈϨⲀⲢⲈϨ ⲚⲚⲈϤⲈⲚⲦⲞⲖⲎ ⲀⲨⲰ ⲚⲈϤⲈⲚⲦⲞⲖⲎ ⲤⲈϨⲞⲢϢ ⲀⲚ

⁴ϪⲈ ⲞⲨⲞⲚ ⲚⲒⲘ ⲚⲦⲀⲨϪⲠⲞϤ ⲈⲂⲞⲖ ϨⲘ ⲠⲚⲞⲨⲦⲈ ϢⲀϤϪⲢⲞ ⲈⲠⲔⲞⲤⲘⲞⲤ ⲀⲨⲰ ⲠⲈϪⲢⲞ ⲚⲦⲀϤϪⲢⲞ ⲈⲠⲔⲞⲤⲘⲞⲤ ⲠⲈ ⲦⲠⲒⲤⲦⲒⲤ

⁵ⲚⲒⲘ ⲠⲈⲦϪⲢⲞⲈⲒⲦ ⲈⲠⲔⲞⲤⲘⲞⲤ ⲈⲒ ⲘⲎⲦⲈⲒ ⲠⲈⲦⲠⲒⲤⲦⲈⲨⲈ ϪⲈ ⲒⲎⲤⲞⲨⲤ ⲠⲈ ⲠϢⲎⲢⲈ ⲘⲠⲚⲞⲨⲦⲈ

⁶ⲠⲀⲒ ⲠⲈⲚⲦⲀϤⲈⲒ ϨⲒⲦⲚ ⲞⲨⲘⲞⲞⲨ ⲘⲚ ⲞⲨⲤⲚⲞϤ ⲘⲚ ⲞⲨⲠⲚⲈⲨⲘⲀ ⲠⲈⲬⲢⲒⲤⲦⲞⲤ ⲒⲎⲤⲞⲨⲤ ϨⲘ ⲠⲘⲞⲞⲨ ⲘⲘⲀⲦⲈ ⲀⲚ ⲀⲖⲖⲀ ϨⲘ ⲠⲘⲞⲞⲨ ⲘⲚ ⲠⲈⲤⲚⲞϤ ⲀⲨⲰ ⲠⲈⲠⲚⲈⲨⲘⲀ ⲠⲈⲦⲢ ⲘⲚⲦⲢⲈ ϪⲈ ⲠⲈⲠⲚⲈⲨⲘⲀ ⲠⲈ ⲦⲘⲈ

⁷ϪⲈ ⲠϢⲞⲘⲦ ⲈⲢ ⲘⲚⲦⲢⲈ

⁸ⲠⲈⲠⲚⲈⲨⲘⲀ ⲘⲚ ⲠⲘⲞⲞⲨ ⲘⲚ ⲠⲈⲤⲚⲞϤ ⲀⲨⲰ ⲠⲈⲒϢⲞⲘⲦ ⲞⲨⲀ ⲚⲈ

⁹ⲈϢϪⲈ ⲦⲈⲚϪⲒ ⲚⲦⲘⲚⲦⲘⲚⲦⲢⲈ ⲚⲚⲢⲰⲘⲈ ⲦⲘⲚⲦⲘⲚⲦⲢⲈ ⲘⲠⲚⲞⲨⲦⲈ ⲚⲀⲀⲀⲤ ϪⲈ ⲦⲀⲒ ⲦⲈ ⲦⲘⲚⲦⲘⲚⲦⲢⲈ ⲘⲠⲚⲞⲨⲦⲈ ϪⲈ ⲀϤⲢ ⲘⲚⲦⲢⲈ ϨⲀⲠⲈϤϢⲎⲢⲈ

¹⁰ⲠⲈⲦⲠⲒⲤⲦⲈⲨⲈ ⲈⲠϢⲎⲢⲈ ⲘⲠⲚⲞⲨⲦⲈ ⲞⲨⲚⲦⲀϤ ⲘⲘⲞⲞⲨ ⲚⲦⲘⲚⲦⲘⲚⲦⲢⲈ ϨⲢⲀⲒ ⲚϨⲎⲦϤ ⲠⲈⲦⲈ ⲚϤⲠⲒⲤⲦⲈⲨⲈ ⲀⲚ ⲈⲠϢⲎⲢⲈ ⲘⲠⲚⲞⲨⲦⲈ ⲈϤⲈⲒⲢⲈ ⲘⲠⲚⲞⲨⲦⲈ ⲚⲢⲈϤϪⲒ ϬⲞⲖ ϪⲈ ⲘⲠⲈϤⲠⲒⲤⲦⲈⲨⲈ ⲈⲦⲘⲚⲦⲘⲚⲦⲢⲈ ⲚⲦⲀⲠⲚⲞⲨⲦⲈ ⲈⲢ ⲘⲚⲦⲢⲈ ⲘⲘⲞⲤ ϨⲀ ⲠⲈϤϢⲎⲢⲈ

¹¹ⲀⲨⲰ ⲦⲀⲒ ⲦⲈ ⲦⲘⲚⲦⲘⲚⲦⲢⲈ ϪⲈ ⲀⲠⲚⲞⲨⲦⲈ Ϯ ⲚⲀⲚ ⲚⲞⲨⲰⲚϨ ⲚϢⲀ ⲈⲚⲈϨ ⲀⲨⲰ ⲠⲈⲒⲰⲚϨ ⲈϤϢⲞⲞⲠ ϨⲘ ⲠⲈϤϢⲎⲢⲈ

¹²ⲠⲈⲦⲈ ⲞⲨⲚⲦⲀϤ ⲘⲘⲞⲞⲨ ⲘⲠϢⲎⲢⲈ ⲞⲨⲚⲦⲀϤ ⲘⲘⲀⲨ ⲘⲠⲰⲚϨ ⲠⲈⲦⲈ ⲘⲚⲦⲀϤ ⲘⲘⲞⲞⲨ ⲘⲠϢⲎⲢⲈ ⲘⲠⲚⲞⲨⲦⲈ ⲘⲚⲦⲀϤ ⲘⲘⲞⲞⲨ ⲘⲠⲰⲚϨ

¹³ⲚⲀⲒ ⲚⲦⲀⲒⲤϨⲀⲒⲤⲞⲨ ⲚⲎⲦⲚ ϪⲈⲔⲀⲀⲤ ⲈⲦⲈⲦⲚⲀⲈⲒⲘⲈ ϪⲈ ⲞⲨⲚⲦⲎⲦⲚ ⲘⲘⲀⲨ ⲘⲠⲰⲚϨ ϢⲀ ⲈⲚⲈϨ ⲚⲈⲦⲠⲒⲤⲦⲈⲨⲈ ⲈⲠⲢⲀⲚ ⲘⲠϢⲎⲢⲈ ⲘⲠⲚⲞⲨⲦⲈ

¹⁴ⲀⲨⲰ ⲦⲀⲒ ⲦⲈ ⲦⲠⲠⲀⲢϨⲞⲨⲤⲒⲀ ⲈⲦⲈ ⲞⲨⲚⲦⲀⲚⲤ ⲈϨⲞⲨⲚ ⲈⲢⲞϤ ϪⲈ ⲠⲈⲦⲈⲚⲚⲀⲒⲦⲈⲒ ⲘⲘⲞϤ ⲔⲀⲦⲀ ⲠⲈϤⲞⲨⲰϢ ϤⲚⲀⲤⲰⲦⲘ ⲈⲢⲞⲚ

¹⁵ⲀⲨⲰ ⲈϢϪⲈ ⲦⲈⲚⲤⲞⲞⲨⲚ ϪⲈ ϤⲤⲰⲦⲘ ⲈⲢⲞⲚ ϨⲘ ⲠⲈⲦⲈⲚⲚⲀⲒⲦⲈⲒ ⲘⲘⲞϤ ⲦⲚⲤⲞⲞⲨⲚ ϪⲈ ⲞⲨⲚⲦⲀⲚ ⲘⲘⲞⲞⲨ ⲚⲚⲈⲚⲎⲆⲎⲘⲀ ⲚⲦⲀⲚⲀⲒⲦⲈⲒ ⲘⲘⲞⲞⲨ ⲈⲂⲞⲖ ϨⲒⲦⲞⲞⲦϤ

¹⁶ⲈϢⲰⲠⲈ ⲈⲢⲈϢⲀⲚⲚⲞⲨⲀ ⲚⲀⲨ ⲈⲠⲈϤⲤⲞⲚ ⲈϤⲢ ⲚⲞⲂⲈ ⲚⲞⲨⲚⲞⲂⲈ ⲀⲚ ⲈϤϪⲒ ⲈϨⲞⲨⲚ ⲈⲠⲘⲞⲨ ⲘⲀⲢⲈϤⲀⲒⲦⲈⲒ ⲚⲤⲈϮ ⲚⲀϤ ⲚⲚⲞⲨⲰⲚϨ ⲚⲚⲈⲦⲈ ⲚⲤⲈⲈⲢ ⲚⲞⲂⲈ ⲀⲚ ⲈϤϪⲒ ⲈϨⲞⲨⲚ ⲈⲠⲘⲞⲨ ⲞⲨⲚ ⲚⲞⲂⲈ ⲈϤϪⲒ ⲈϨⲞⲨⲚ ⲈⲠⲘⲞⲨ ⲚⲚⲈⲒϪⲰ ⲘⲘⲞⲤ ⲀⲚ ϪⲈ ⲈϤⲈⲤⲞⲠⲤ ⲈⲦⲂⲈ ⲠⲈⲦⲘⲘⲀⲨ

¹⁷ϪⲒ ⲚϬⲞⲚⲤ ⲚⲒⲘ ⲞⲨⲚⲞⲂⲈ ⲠⲈ ⲀⲨⲰ ⲞⲨⲚⲞⲂⲈ ⲠⲈ ⲈϤϪⲒ ⲈϨⲞⲨⲚ ⲈⲠⲘⲞⲨ

¹⁸ⲦⲚⲤⲞⲞⲨⲚ ϪⲈ ⲞⲨⲞⲚ ⲚⲒⲘ ⲚⲦⲀⲨϪⲠⲞϤ ⲈⲂⲞⲖ ϨⲘ ⲠⲚⲞⲨⲦⲈ ⲘⲈϤⲢ ⲚⲞⲂⲈ ⲀⲖⲖⲀ ⲠⲈⲚⲦⲀⲨϪⲠⲞϤ ⲈⲂⲞⲖ ϨⲘ ⲠⲚⲞⲨⲦⲈ ϢⲀϤϨⲀⲢⲈϨ ⲈⲢⲞϤ ⲀⲨⲰ ⲘⲈⲢⲈⲠⲠⲞⲚⲎⲢⲞⲤ ϪⲰϨ ⲈⲢⲞϤ

¹⁹ⲦⲈⲚⲤⲞⲞⲨⲚ ϪⲈ ⲀⲚⲞⲚ ϨⲈⲚⲂⲞⲖ ϨⲘ ⲠⲚⲞⲨⲦⲈ ⲀⲨⲰ ⲠⲔⲞⲤⲘⲞⲤ ⲦⲎⲢϤ ⲈϤⲔⲎ ϨⲘ ⲠⲞⲚⲎⲢⲞⲤ

²⁰ⲀⲨⲰ ⲦⲈⲚⲤⲞⲞⲨⲚ ϪⲈ ⲀⲠϢⲎⲢⲈ ⲘⲠⲚⲞⲨⲦⲈ ⲈⲒ ⲀϤϮ ⲚⲀⲚ ⲚⲞⲨⲘⲚⲦⲢⲘⲚϨⲎⲦ ϪⲈ ⲈⲚⲚⲈⲤⲞⲨⲈⲚ ⲦⲘⲈ ⲀⲨⲰ ⲦⲈⲚϢⲞⲞⲠ ϨⲘ ⲠⲘⲈ ϨⲢⲀⲒ ϨⲘ ⲠⲈϤϢⲎⲢⲈ ⲒⲎⲤⲞⲨⲤ ⲠⲈⲬⲢⲒⲤⲦⲞⲤ ⲠⲀⲒ ⲠⲈ ⲠⲚⲞⲨⲦⲈ ⲘⲘⲈ ⲀⲨⲰ ⲠⲰⲚϨ ϢⲀ ⲈⲚⲈϨ

²¹ⲚⲀϢⲎⲢⲈ ϨⲀⲢⲈϨ ⲈⲢⲰⲦⲚ ⲈⲂⲞⲖ ⲎⲚ ⲚⲈⲒⲆⲰⲖⲞⲚ.