38ዮሃኒሲ ኣ፥ «ታማሪሲያዎ፥ ኢቲ ኣሳይ ኔ ሱንꬃን ኢታ ኣያናቱዋ ኬሲያዋ ኑኒ ቤዒዴ፥ ኑ ባጋ ጊዴና ዲራው፥ ኣ ዲጌዶ» ያጌዳ።
39ሺን ዬሱሲ ያጌዳ፤ «ኦኒኔ ታ ሱንꬃን ማላታ ኦꬂዴ፥ ኤሌካ ታ ቦላ ኢታባ ሃሳያናው ዳንዳዪያዌ ባዪና ዲራው ዲጎፒቴ፤
40ኣዪሲ ጎፔ፥ ኑባ ኤቄቴና ኡራይ ኑ ባጋ።
41ታኒ ሂንቴንቶ ቱሙዋ ኦዳይ፤ ሂንቴ ታዋንታ ኪሪስቶሳዋንታ ጊዲያ ዲራው፥ ኦኒኔ ሂንቴንቶ ታ ሱንꬃን ቡሊያ ሃꬃ ኡሻናው ኢሞፔካ፥ ባሬ ጋቲያ ኣካናዋ።
42«ታና ኣማኒያ ሃ ጉꬃቱዋፔ ኢቱዋ ባሌꬂያ ኦናኔ፥ ጋጪያ ዎጋ ዎፃ ኣ ቆꬊያን ቃቺዴ፥ ኣባን ኣ ኦሊያዌ ኣው ሎዓ።
43ኔ ኩሺ ኔና ባሌꬆፔ፥ ቃንፃ ኦላ፤ ኔኒ ላዑ ኩሺያና ቃሲ ኡባካ ቶዔና ጋናሚያ ታማን ጌሊያዋፔ፥ ዱፃ ኩሺያና ዴዑዋ ጌሊያዌ ኔው ሎዓ።
45ኔ ጌዲ ኔና ባሌꬆፔ፥ ቃንፃ ኦላ፤ ኔን ላዑ ጌዲያና ኡባካ ቶዔና ጋናሚያ ታማን ዬጌቲያዋፔ፥ ዶማ ጊዳዴ ዴዑዋ ጌሊያዌ ኔው ሎዓ።
ማርቆሳ 9
ማርቆሳ 9:38-45