Maluko 9:38-45

³⁸Xe Ioanesi muavuti la muvikalanu Iesu aloxo ꞌo, “Itema sou ulosixe lavulavu, nexi temaisou itema vile ukukusaiꞌa ta uleenu masua no anu xavi noxine, la nexi teꞌapixu, xo anu vile noxinge nengeꞌa uasi.”

³⁹Xe Iesu muavuti la muvikalaneꞌi aloxo ꞌo, “Ngaꞌapixu mamu, xo lexe itema vile uꞌoxonu mii vile xaviinu no anu xavi noxilo, la umomomo sou upasipaa uleanu vaikala vile masua uneꞌe noxilo uasi,

⁴⁰xo anu ane uꞌapinenge uasi ne, anu noxinge ane.

⁴¹Eni avikalangengi manina aloxo ꞌo, ‘Anu ane uiengengi no anu lexa xo ngingi noxou Kalisito, la anu unoꞌu lakolisou manina.’”

⁴²Xe muavuti la muvikalaneꞌi aloxo ꞌo la, “Lexe itema vile uolexu vile noxiꞌa aneꞌi ta mitema vitanisi ane imuxamuxaxu taneꞌi noxilo, sou ususu no anu ꞌilixo masua, la anu laixe lexe isakii lavoꞌo kulu vile no xolanu ka ilea uluꞌelai no luaki, ia laixe uasi lexe Lataua ulosou navunavu.

⁴³Mo lexe avone vile ususulixene, la nalixinu mo uxexee. Laixe lexe nini naꞌunalai no tuala sou mauli no anu avone vilesisi, ia laixe uasi lexe nini avone tamei ne uxolusi, la nini naꞌunalai no tuala sou navunavu e navu uꞌaniꞌani ia usisita uasi.

⁴⁵Mo lexe tavaꞌine vile ususulixene, la nalixinu mo uxexee. Laixe lexe naꞌunalai no tuala sou mauli no anu tavaꞌine vilesisi, ia laixe uasi lexe nini tavaꞌine tamei ne uxolusi, la nini naꞌunalai no tuala sou navunavu.