1हारून आ तौ निक्शी परमप्रभु यावे आ ङोंइती बेक्सा नोले परमप्रभु यावेमी मोसा नु लोव़ पाप्तु। लेवी १०:१-२;
2मिनु परमप्रभु यावेमी मोसा कली “इ लोक्ब हारून कली ‘इ दाक्शो खोदेंशो पा, गेना हना यो फारशो वा आ आगा बाक्शो चोव़खो कोठामी कबल पशो सन्दोस तार बाक्शो शिशी पतीके आ ङोंइती मजाक्को। मटीतीनी हना, गे बेक्नेवे। मारदे हना गो शिशी बाक्तीकेम गोस्स आगाम बाक्शा जाक्नुङ। प्रस्थान २६:३३-३४
3हारून दोपा ओव़ने चाप्ब देंशा हना, पाप आ पर्बम चढ़ेचा कली ब्यफ का नु चोशा चढ़ेचा कली सांड का चाक्शा ला ओव़ने चाप्ब। लेवी ४:३; लेवी १:१०
4सुती के आं गेय पचा कली ला आगा फेक्तीक वा फेक्शा, सुती के आ तार फेक्तीक फेक्शा, सुती के किप्शुर किप्शा नु सुती वा के पियाम गुप्तीक गुक्शा ओव़चा माल्ब। मेको वा आ गेय पचा कली ला बाक्त। मेकोमी चिक्सीशा ला मेको वा फेक्सीचा माल्ब। प्रस्थान २८:३९,४२; प्रस्थान २९:४; प्रस्थान ३०:१९-२०
5मेकोमी इस्राएल ङा मुर आन गुइ रे पाप आ पर्बम चढ़ेचा कली बोका निक्शी नु चोशा चढ़ेचा कली सांड का ताक्चा माल्ब। लेवी ३:९,१५,१६
6मिनु हारूनमी आंम पाप आ पर्बम चढ़ेतीक ब्यफ चढ़ेचा माल्ब। मिनु आ नु आ खिं ङा मुर आन पर्बम पाप क्याम्तीक गेय पचा माल्ब। लेवी ९:२, ८-११; हिब्रू ७:२७
लेवी 16
लेवी 16:1-6