Levi 16:1-6

¹Hosi e tune Aron bakovi ala rua ru habi a nihabi ne BAKOVI DAGI, pali e BAKOVI DAGI i uka ma i taki rua ru gu habi a nihabi, lakea i rabalaki rua.

²Muri e BAKOVI DAGI i takia e Moses, “O takia e turamu e Aron, nahea ge dili na ningaru vona na Tabeke Nitaba Hateka na bitona kala dagi. Pali na tahuna i ngaru e rei a kilala ge dili vona, ge dili. A vuhuna iau a made pololilo na bubu, a bele kavakava na murina nidodo na Tava na Ngava Dagi. Ia ge dili tavula na tabeke iea, bara i mate.

³“Na tahuna e Aron ge dili na Tabeke Nitaba Hateka, muga ge bolea tara bulmakau karaba a toga, ge rata a nihabi na naro hale, a sipsip a toga tara ge bolea, ge a nihabi ni gutu-vuro.

⁴Na tahuna e Aron ge dili na Tabeke Nitaba Hateka, ge hilolo, ge rodo a maka nirodo keakea na prister: a poho, a nirodo ola ola, a palabele, a hoi.

⁵E huriki a Israel ri gi bole a meme a toga ge rua ne vona ni rata a nihabi na naro hale, a sipsip a toga tara ne vona a nihabi gutu-vuro, ri gi habi ne Aron.

⁶“E Aron ge habia a nihabi na bulmakau, ne vona ni puga vuroki a naro hale vona, ne vona ni kavitagu ia turane huriki a kabu vona.