3मिनु यूहन्ना यर्दन खोला आ नेक्था जाक्दीश्शा, एर ओंथ परमप्रभु यावे आ लोव़ शेंना शेंन गाक्माक्त। मिनु शेंना शेंन मुर आन कली “इन थुं परमप्रभु यावे गे लेश्शा, ब्वाक्कुम ख्रुम्शा ग्रुंइचा पुंइसीन। मिनु परमप्रभु यावेमी इन पाप क्याम्शा गेब” दे शेंदीमी बाक्त।
4साइ नेसी परमप्रभु यावे आ लोव़ पाइब यसैयामी “गोरशो रागीमी सेंदा का नेंसीब। मेकोमी मार देंब देंशा हना, प्रभु आ लां सेलीने। आ गाक्तीकेम फुल्लु ग्रोक्शा थेलीने। यसैया ४०:३-५
5बेंसी नेल्ल प्रिंचा पुंइसीनीम। डांडा नेल्ल दिंम सेल्चा पुंइसीनीम। हिरशो लां नेल्ले सोव़जो सेल्चा पुंइसीनीम। मरिम्शो लां नेल्ले रिम्शो सेल्चा पुंइसीनीम।
6मिनु मुर नेल्लेमी परमप्रभु यावेमी दोपा पाप रे प्रोंइबा मेको तुइक्नीम” दे ब्रेक्शो बाक्माक्त। यसैया ४०:३-५
7मिनु शुश मुर यूहन्ना आ बाक्तीकेमी ब्वाक्कुम ख्रुम्शा ग्रुंइपांइसीचा कली जाक्मा बाक्त। मिनु यूहन्नामी मेको आन कली “गे बुस्स आ खलकपुकी, परमप्रभु यावे आ सजाइ रे ब्रोंइचा ताइनीनी, दे सुम शेंदा?
8इन थुं परमप्रभु यावे गे लेश्शा, रिम्शो फल सिश्शो खोदेंशो गेय कोंइदीने। गे ‘इं किकी पिपी अब्राहाम बाक्ब’ दे मिम्शा, देश पा मबाक्कीन। मारदे हना गो इन कली ‘परमप्रभु यावेमी एको फुल्लु रे अब्राहाम आ चच युइ सेल्ने चाप्ब’ देंनुङ।
9तिम्चा, दे रवा आन पुंमी खा वोइश्शो बाक्ब। रिम्शो फल मसिप्ब रवा का का पा तिम्शा, मीम चोचा पुंइसीनीम, दे तुइक्तीन” दे माइक्मी बाक्त।
10मिनु मुरपुकीमी “मुल मार पक?” दे हिल्लो पामे बाक्त।
11मिनु यूहन्नामी “सु के फेक्तीक वा निक्शी बाक्मे, मेकोमी फेक्तीक का मबाक्शो कली गेचा माल्ब। सु के जचा थोव़क बाक्मे, मेकोमी जचा मताइब कली गेचा माल्ब” देंमाक्त।
12तिरो पोक्बपुकी यो जाक्शा यूहन्ना कली “शेंब, गो मार पक?” दे हिल्लो पामे बाक्त।
13मिनु मेकोमी “सरकारम ताक्चा देंशो क्येङा शुश मताक्चा” देंमाक्त।
14का निक्शी सिपाइपुकी यो जाक्शा “मिनु गो मार पक?” दे हिल्लो पामे बाक्त। मिनु मेको आन कली “सुइ आन कली हिंम हिंम पा जोल पा दोस गेशा आन मारेइ मारेइ मरोइक्तीन। इन गेय रे पा तशो क्येटम इन थुं नुशा बाक्कीन” दे माइक्मी बाक्त।
15मिनु यूहन्ना आ लोव़ नेंबपुकीमी “एको मुर सु माइ? ख्रीस्त कोर में?” दे शुश मिम्तमे बाक्त।
16यूहन्नामी मेको नेल्ल आन कली “गो इन कली ब्वाक्कुम ख्रुम्शा ग्रुंइनन्नी। आं नोले जाक्ब चहिं आं क्येङा ठेयब बाक्ब। गो मेको आ ङोंइती बाप्शा, आ जुत्ता प्रुइक्चा लायो मशिरनुङ। मेकोमी इन कली परमप्रभु यावे आ सोक्ती नु मीम ख्रुम्ब।
17लाङगाम हाम्शो चेरब हुरशा, भूस नु गेडा तिल्चा कली मेको आ गुइमी ग्योल बाक्ब। गेडा कोठोम कुर पा वोइक्ब। भूस चहिं गेनायो मकाप्ब मीम हुम्ब” दे माइक्मी बाक्त।
18मोदेंशो लोव़ पा अर्ती गेशा, रिम्शो लोव़ शेंदीमी बाक्त।
19मेकोमी सासन पाइब हेरोद आ लोक्ब आ मीश चाक्चा आ पर्बम दोस गेवा बाक्त। मोपतीके मेकोमी यूहन्ना कली जेल्खानमी चोक्पदा बाक्त। मत्ती १४:३-४; मर्कूस ६:१७-१८
20हेरोद कली मार दोस गेवा बाक्त देंशा हना “इन लोक्ब आ मीश चाक्शा, पात्के पाइतीनी। अरु पाप यो शुश पाइतीनी” दे हुइश्शो बाक्माक्त।
21मिनु यूहन्ना चोक्सीचा क्येङा ङोंइती शुश मुर आन कली ब्वाक्कुम ख्रुम्शा ग्रुंइदा बाक्त। काबु येसु यो जाक्शा, ब्वाक्कुम ख्रुम्शा ग्रुंइचा पुंइसे बाक्त। मिनु ब्वाक्कु रे ग्रूशा, प्रार्थना पना पन बाक्मेनु, सरीङ रोक्से बाक्त।
22मिनु सरीङ रे परमप्रभु यावे आ सोक्त परवा खोदेंशो पा यिशा, येसु आ तारी जुक्ता बाक्त। मिनु सरीङ रे “आं दाक्शो तौ नवे। इ कली तशा थाम्पा ग्येरसीनुङ” देंशो सेंदा नेंसे बाक्त। यूहन्ना १:३२; लूका ९:३५
23मिनु येसुमी मुर आन कली परमप्रभु यावे आ लोव़ शेंचा गोवानु, ३० बर्स दुम्शो बाक्माक्त। मुरपुकीमी आ आफ योसेफ बाक्ब, दे मिम्तमे बाक्त। योसेफ हेली आ तौ बाक्माक्त। लूका ४:२२
24हेली मात्थात आ तौ बाक्माक्त। मात्थात लेवी आ तौ बाक्माक्त। लेवी मेल्की आ तौ बाक्माक्त। मेल्की यान्नाइ आ तौ बाक्माक्त। यान्नाइ योसेफ आ तौ बाक्माक्त।
25योसेफ मत्थाथीयास आ तौ बाक्माक्त। मत्थाथीयास आमोस आ तौ बाक्माक्त। आमोस नाहुम आ तौ बाक्माक्त। नाहुम एस्ली आ तौ बाक्माक्त। एस्ली नग्गै आ तौ बाक्माक्त।
26नग्गै माथ आ तौ बाक्माक्त। माथ मत्थाथीयास आ तौ बाक्माक्त। मत्थाथीयास सेमेइन आ तौ बाक्माक्त। सेमेइन योसेक आ तौ बाक्माक्त। योसेक योदा आ तौ बाक्माक्त।
27योदा योआनान आ तौ बाक्माक्त। योआनान रेसा आ तौ बाक्माक्त। रेसा जेरूब-बाबेल आ तौ बाक्माक्त। जेरूब-बाबेल शाल्तीएल आ तौ बाक्माक्त। शाल्तीएल नेरी आ तौ बाक्माक्त।
28नेरी मेल्की आ तौ बाक्माक्त। मेल्की अददी आ तौ बाक्माक्त। अददी कोसाम आ तौ बाक्माक्त। कोसाम एल्मादम आ तौ बाक्माक्त। एल्मादम एर आ तौ बाक्माक्त।
29एर यहोसु आ तौ बाक्माक्त। यहोसु एलीएजर आ तौ बाक्माक्त। एलीएजर योरीम आ तौ बाक्माक्त। योरीम मात्थात आ तौ बाक्माक्त। मात्थात लेवी आ तौ बाक्माक्त।
30लेवी सिमियोन आ तौ बाक्माक्त। सिमियोन यहूदा आ तौ बाक्माक्त। यहूदा योसेफ आ तौ बाक्माक्त। योसेफ योनाम आ तौ बाक्माक्त। योनाम एल्याकीम आ तौ बाक्माक्त।
31एल्याकीम मेलेया आ तौ बाक्माक्त। मेलेया मेन्ना आ तौ बाक्माक्त। मेन्ना मात्ताथा आ तौ बाक्माक्त। मात्ताथा नाथान आ तौ बाक्माक्त। नाथान दाऊद आ तौ बाक्माक्त। २सामुएल ५:१४
32दाऊद येस्से आ तौ बाक्माक्त। येस्से ओबेद आ तौ बाक्माक्त। ओबेद बोआज आ तौ बाक्माक्त। बोआज साल्मोन आ तौ बाक्माक्त। साल्मोन नहशोन आ तौ बाक्माक्त। रूथ ४:१७-२२
33नहशोन अम्मीनादाब आ तौ बाक्माक्त। अम्मीनादाब आदमीन आ तौ बाक्माक्त। आदमीन अरनी आ तौ बाक्माक्त। अरनी हेस्रोन आ तौ बाक्माक्त। हेस्रोन पेरेस आ तौ बाक्माक्त। पेरेस यहूदा आ तौ बाक्माक्त। उत्पत्ती ५:१-३२; उत्पत्ती ११:१०-२६; उत्पत्ती २१:२-३; उत्पत्ती २९:३५
34यहूदा याकूब आ तौ बाक्माक्त। याकूब इसहाक आ तौ बाक्माक्त। इसहाक अब्राहाम आ तौ बाक्माक्त। अब्राहाम तेराह आ तौ बाक्माक्त। तेराह नाहोर आ तौ बाक्माक्त।
35नाहोर सेरूग आ तौ बाक्माक्त। सेरूग रेऊ आ तौ बाक्माक्त। रेऊ पेलेग आ तौ बाक्माक्त। पेलेग एबेर आ तौ बाक्माक्त। एबेर शेलाह आ तौ बाक्माक्त।,
36शेलाह केनान आ तौ बाक्माक्त। केनान अरपक्शाद आ तौ बाक्माक्त। अरपक्शाद शेम आ तौ बाक्माक्त। शेम नोआह आ तौ बाक्माक्त। नोआह लमेक आ तौ बाक्माक्त।
लूका 3
लूका 3:3-36