3Chaymi Juanga purira Jordán mayucagpa runacunata cay niyar: “Jucha rurarcayangaypita wanacurcur Diosman cutipäcuy perdonapäcushunaypag. Jinaman bautizacurcay”.
4Nätan Juanga, Diospa willacugnin Isaiaspa isquirbinganchru ningannuymi rurara. Chay isquirbishachrüga cay niyanmi: “Juc runam jäpag pampachru gayacuypanuy cay niyämun: ‘Camachracurcay Munayniyog Dios chrämunanpag, jinaman ali cawayta galayapäcuy, camiñu alchayta galayugnuysi.
5Nätan mana camaricurga carcayanqui juyu ragranuymi, juc manchacuypag jircanuymi, juyu gotunuymi, lutan muyu muyu camiñunuymi, patan ucrun lutan camiñunuymi.
6Jinaman chay pachachru lapan runacunam ricapäcunga Dios cachramungan chay salvacugta’ ”. Chay ningannuymi Juanga rurara.
7Chaura Juanga chay achca runacuna bautizächicug aywarcayämugtam cay nira: “Acapa casta culebracunanuysi lutan runacuna, ¿pitag gamcunata nirärishunqui chay alisca juyu cunchuy aywayämugpita gueshpipäcunaypag?
8Diosman razonpa cutipäcungay musyacänanpag, lapan runa ricay ali cawapäcuy. Ama nicurcaychu ‘Abrahampa ayllun aywag carmi mana imapitas wanacunächu’ nirga. Manam Abrahampa ayllun calarchu Diospagga ali capäcunqui. Munar Diosga cay rumicunatas muyurachinmanmi Abrahampa ayllun cananpagga.
9Nätan sapinpita monticunata sagtananpag runa jächan aptasha camarayagnuymi Diosga cayan. Chauraga montitachu lutan wayugcagtaga muturcur ninawan rupachinchi, chaynuymi Dios ruranga lutan rurag runacunawan”.
10Niptin runacuna tapurärin cay nirmi: “¿Chauraga imatatag rurapäcushag?”
11Nipäcuptinmi Juanga nira: “Ishcay jacuycuna captin mana jacuynagta jucninta gopäcuy. Nätan micuyniquicuna captin, gopäcuy micuypita nacagcunata” nira.
12Paymanga chraräriratan bautizächicug patentita cobrag juc ishcay runacunas. Paycunas tapucurcara Juanta cay nirmi: “Yachrachig, ¿nogacunagä? ¿Imatatag rurapäcushag?”
13Nipäcuptin Juanga niram: “Aygatam cobrapacunay cayan chaylata cobrapäcuy, ama mastaga”.
14Chaynuytan juc ishcay soldäducunas tapucarärin cay nir: “Nätan ¿nogacunagä? ¿Imatatag rurapäcushag?” Nipäcuptinga paycunatas niram: “Ama pitas jorgapäcuychu imantas, wactam u caytam rurasha canqui” nir manacagpitaga, jinaman “Pägapäcushungalaywan cacurcay” nir.
15Chauraga achcam runacuna salvacug shamunanta shuyag shuyag carcayarga. Jinarcurmi shongolancunachru “Paypishchri Cristoga cayan” nipäcura Juanpag.
16Chay nipäcunganta tantiarurmi Juanga lapanta cay nira: “Ricarcayangaynuysi nogaga yaculawanmi bautizarcayag. Jucmi ichaga aywayämun nogapitas mas munayniyog. Nogas paypagga manam maygan alinninsi cächu sandalianta pasquipunaläpagsi. Paymi ichaga chrurapäcushunqui Santu Espiritupa munayninman, jinaman mana juchaynagman muyuchipäcushunqui.
17Payga trïguta wauyachinapag wauyachicunan aptashanuymi cayan. Jinarcurmi nä shumag wauyarcachir chruracunanman trïguta gotunga. Nätan trïgupa muchruntam ninawan rupachinga mana imaysi upig ninachru”.
18Chaynuypam Juanga jinaman tucuynaypam chay runacunata tantiachira chay mushog ali willapata.
19Jinarcurmi juc junagchrüga Galileachru mandag Herodesta Juanga piñaparura, wauguen Felipepa warmin Herodiaswan ishcaychanganpita, jinaman waquin lutancuna ruranganpita.
20Chaura Herodes lutan rurag carga, mas juchataran ruraruras Juanta carcelman wichrgarachirga.
21Nätan Juan lapan runacunata bautizänan wichanmi, Jesustas bautizara. Jinarcurmi Jesús Dioswan rimayaptin jana pacha quichracarura.
22Chaylam Santu Espíritu payman aywaramura palöma nirag lapan runa ricay. Jinamanmi jana pachapita rimaramura: “Gamga cuyashä Dios-mayïmi cayanqui. Gampita aliscam cushirayä” nir.
23Jesús nä quima chrunca watayog cayarmi ruranancuna rurayta galayura. Jesús cara runacunapitaga Josëpa churin nisham. Nätan Josëga cara Elïpa churinmi.
24Elïmi cara Matatpa churin, Matatmi cara Levïpa churin. Levïmi cara Melquipa churin. Melquim cara Janapa churin. Janam cara Josëpa churin.
25Josëmi cara Matatiaspa churin. Matatiasmi cara Amospa churin. Amosmi cara Nahumpa churin. Nahummi cara Eslipa churin. Eslim cara Nagaipa churin.
26Nagaimi cara Maatpa churin. Maatmi cara Matatiaspa churin. Matatiasmi cara Semeipa churin. Semeimi cara Josecpa churin. Josecmi cara Judäpa churin.
27Judämi cara Joananpa churin. Joananmi cara Resapa churin. Resam cara Zorobabelpa churin. Zorobabelmi cara Salatielpa churin. Salatielmi cara Neripa churin.
28Nerim cara Melquipa churin. Melquim cara Adipa churin. Adim cara Cosampa churin. Cosammi cara Elmadampa churin. Elmadammi cara Erpa churin.
29Ermi cara Josuëpa churin. Josuëmi cara Eliezerpa churin. Eliezermi cara Jorimpa churin. Jorimmi cara Matatpa churin. Matatmi cara Levïpa churin.
30Levïmi cara Simeonpa churin. Simeonmi cara Judäpa churin. Judämi cara Josëpa churin. Josëmi cara Jonampa churin. Jonammi cara Eliaquimpa churin.
31Eliaquimmi cara Meleapa churin. Meleam cara Menapa churin. Menam cara Matatapa churin. Matatam cara Natanpa churin. Natanmi cara Davidpa churin.
32Davidmi cara Isaïpa churin. Isaïmi cara Obedpa churin. Obedmi cara Boozpa churin. Boozmi cara Salmonpa churin. Salmonmi cara Naasonpa churin.
33Naasonmi cara Aminadabpa churin. Aminadabmi cara Arampa churin. Arammi cara Esrompa churin. Esrommi cara Farespa churin. Faresmi cara Judäpa churin.
34Judämi cara Jacobpa churin. Jacobmi cara Isaacpa churin. Isaacmi cara Abrahampa churin. Abrahammi cara Tarëpa churin. Tarëmi cara Nacorpa churin.
35Nacormi cara Serugpa churin. Serugmi cara Ragaupa churin. Ragaumi cara Pelegpa churin. Pelegmi cara Heberpa churin. Hebermi cara Salapa churin. Salam cara Cainanpa churin.
36Cainanmi cara Arfaxadpa churin. Arfaxadmi cara Sempa churin. Semmi cara Noëpa churin. Noëmi cara Lamecpa churin. Lamecmi cara Matusalenpa churin.
Lucas 3
Lucas 3:3-36