LUKA 3:3-36

³Jordan tuivaw kaekang raang vytei lang cawh seilai ka, sua ngethainah cawtah angepachihnah baptisma kong phung a rei lai.

⁴Khazing khuavang Isaiah cabu letei, “Raangcaa letei a y leimeipaw o taco, ‘Abuipaw a cawtah langpui parai la, a cawtah langpui pading pah my lo.

⁵Saiho maikaw cawh nai la, tlaang le tlangby maikaw cawh panai my lo. Lang a kuikalehpaw cawh pading la, a bykhi a bylypaw cawh pamai my lo.

⁶Taico, cawngsaw maikaw tah Khazing a pachahnah cawh aa hmuh a,’ tatah a tah,” tatah ciapaw hrakhei.

⁷Johan tah ama khatah baptisma cang ruapaw tei a va chuhpaw zawpui sahlo he cawh, “Naaning pari cangmai pathlah sahlo, Khazing thingaenah a va chuh leimeipaw heh saisai rua pawtah aho tamaw a ca ching he?

⁸Na ngepachihnah he ceh cawh a thuipa tah palang my lo. ‘Abraham pathlah sahlo kaa cang peh,’ tatah tah leimei khe o. Ka ca ching he hi, Khazing taco ma alung sahlo heh Abraham sawtei sahlo tah a tua khy thlang he hi.

⁹Thinghrang maikaw letah ahrui aa chia thlu thah. Thui chaw a thui lypaw thingkung maikaw cawh hyhly tah me lang bo a cang he a,” a tah he.

¹⁰Zawpuipaw tah, “A cang caco zemaw kaa tua a?” tatah aa hae.

¹¹Johan taco, “Angki zing hning a hnuipaw tah a hnui lypaw khah chaichy seh la, e ruapaw a hnuipaw tah a hnui lypaw cawh pei hrah seh,” tatah a chai he.

¹²Ngungkhui a kheipaw sahlo zong cawh baptisma cang hrá pawtah a vong he ka, “Cawngpahtu, zemaw kaa tua a?” tatah aa hae.

¹³“Khei ruapaw navy tah a hlu vy tah va khei lai khe o,” a tah he.

¹⁴Mataico raekeh thaikhehpaw sahlo tah, “Kaaning saw zemaw kaa tua a?” tatah aa hae. “Male tangka chu lai khe la, ahmang lypaw tah cawngsaw luithae lai khe o, naa hlo letah naa lungtling thlang seh,” tatah a tah he.

¹⁵Zawpui taco a ngete ly ngetei tah heh thlang he ka, aa dawngkasawny co, Johan heh Khri a cang thlang thly a, tatah aa rawh.

¹⁶Johan tah aa dawngkasawny hai leco, “Kama taco tui tah baptisma ka ca cangsah he. Canghrasala kama navy tah a rungnaw vypaw a va chuh a. Kama cawh a phepakong rui a thlang tlangpaw hmai cang bei neh. Ama taco Thlawpaw Pathai le me tah baptisma a ca cangsá he a.

¹⁷Saze zeinah cawh a kiá tah tle ka, phuhri letah saze cawh a zei a, achang khah apaang letah rai a ka, asi khah a thi thai lypaw me lang a bo a,” tatah a tah he.

¹⁸Taico Johan tah zawpui vytei cawh a phingphing tah pasynah bia ching he ka, aaning cawh thawngchawbia a cawngpah he.

¹⁹Canghrasala, Johan tah abui Herod cawh a nytei nupui Herodi a chunah kong letah le ahringpaw chahlynah hming a tuapaw vytei kong letah a mochia tihtah,

²⁰Herod tah ma vytei cung letah a chahchipaw cawh Johan khah thong-ing chung letah a hrai.

²¹Ming vytei baptisma aa cang tlungmang ning takhei, Zisu zong cawh baptisma a cang hrah. Taico thlaw a chang leimei ning taco avai cawh a hong.

²²Thlawpaw Pathai cawh thury hratah a cung letah a za cung. Taico avai taitah o za ring ka, “Nama cawh ka dopaw Ka Sawcapaw na cang, na cung letah ka lung a lawng ngetei,” tatah a tah.

²³Zisu cawh phungrei a patho ning tahei kung songthung hrawng a tah. Ama cawh Josef sawtei aa tah. Josef cawh Heli a sawtei,

²⁴Heli cawh Mathat a sawtei, Mathat cawh Levi a sawtei, Levi cawh Melkhi a sawtei, Melkhi cawh Janai a sawtei, Janai cawh Josef a sawtei,

²⁵Josef cawh Matathia a sawtei, Mathathia cawh Amos a sawtei, Amos cawh Nahum a sawtei, Nahum cawh Esli a sawtei, Esli cawh Nakai a sawtei,

²⁶Nakai cawh Matha a sawtei, Matha cawh Matathia a sawtei, Matathia cawh Semein a sawtei, Semein cawh Josek a sawtei, Josek cawh Joda a sawtei,

²⁷Joda cawh Joanan a sawtei, Joanan cawh Rhesa a sawtei, Rhesa cawh Zerubabel a sawtei, Zerubabel cawh Shealtia a sawtei, Shealtia cawh Neri a sawtei,

²⁸Neri cawh Melkhi a sawtei, Melkhi cawh Adi a sawtei, Adi cawh Kosam a sawtei, Kosam cawh Elmadam a sawtei, Elmadam cawh Er a sawtei,

²⁹Er cawh Josua a sawtei, Josua cawh Eliezer a sawtei, Eliezer cawh Jorim a sawtei, Jorim cawh Mathat a sawtei, Mathat cawh Levi a sawtei,

³⁰Levi cawh Simeon a sawtei, Simeon cawh Judah a sawtei, Judah cawh Josef a sawtei, Josef cawh Jonam a sawtei, Jonam cawh Eliakim a sawtei,

³¹Eliakim cawh Melea a sawtei, Melea cawh Mena a sawtei, Mena cawh Matatha a sawtei, Matatha cawh Nathan a sawtei, Nathan cawh David a sawtei,

³²David cawh Jesi a sawtei, Jesi cawh Obed a sawtei, Obed cawh Boaz a sawtei, Boaz cawh Salmon a sawtei, Salmon cawh Nashon a sawtei,

³³Nashon cawh Aminada a sawtei, Aminada cawh Ram a sawtei, Ram cawh Hezron a sawtei, Hezron cawh Perez a sawtei, Perez cawh Judah a sawtei,

³⁴Judah cawh Jakob a sawtei, Jakob cawh Isak a sawtei, Isak cawh Abraham a sawtei, Abraham cawh Tera a sawtei, Tera cawh Nahor a sawtei,

³⁵Nahor cawh Seruk a sawtei, Seruk cawh Reu a sawtei, Reu cawh Pelek a sawtei, Pelek cawh Eba a sawtei, Eba cawh Shelah a sawtei,

³⁶Shelah cawh Kainan a sawtei, Kainan cawh Arpaksa a sawtei, Arpaksa cawh Shem a sawtei, Shem cawh Noah a sawtei, Noah cawh Lamek a sawtei,