ܐ ܦܛܪܘܣ 3

1

2

3

4

5

¹ܗܵܕܟ݂ܵܐ ܐܘܼܦ ܐܲܚܬܘܿܢ ܒܲܟ݂ܬܵܬܹ̈‌ܐ، ܫܠܘܿܡܘܼܢ ܠܓܲܒ݂ܪ̈ܵܢܵܘܟ݂ܘܿܢ، ܗܵܕܟ݂ܵܐ ܕܐܸܢ ܐܝܼܬ ܡܸܢܵܝܗ‌ܝ ܕܠܹܐ ܡܲܨܝܸܬ‌ܝܼ ܠܗܹܡܸܙܡܵܢ، ܐܝܼܢܵܐ ܕܠܵܐ ܗܹܡܸܙܡܵܢ ܦܵܝܫܝܼ ܡܘܼܕܸܪܹܐ ܠܗܲܝܡܵܢܘܼܬܵ‌ܐ ܒܝܲܕ ܕܘܼܒܵܪܹ̈ܐ ܕܒܲܟ݂ܬܵܬܹ̈‌ܐ،

²ܐܝܼܡܲܢ ܕܚܵܙܝܼ ܕܸܟ݂ܝܘܼܬܵ‌ܐ ܘܐܝܼܩܵܪܵܐ ܕܚܲܝܵܘ̈ܟ݂ܘܿܢ.

³ܠܵܐ ܗܵܘܝܵܐ ܣܲܩܲܠܬܵܘܟ݂ܘܿܢ ܒܲܪܵܝܬܵ‌ܐ، ܒܓܕܵܠܬܵ‌ܐ ܕܟܵܘܣܵܐ، ܘܠܒ݂ܵܫܬܵ‌ܐ ܕܕܲܗܒ݂ܵܐ، ܝܲܢ ܒܓ̰ܘܼܠܹ̈ܐ ܫܲܦܝܼܪܹ̈ܐ؛

⁴ܐܝܼܢܵܐ ܗܵܘܝܵܐ ܓܵܘܵܐܝܼܬ ܡ̣ܢ ܠܸܒܵܐ، ܒܪܘܼܚܵܐ ܡܲܟܝܼܟ݂ܬܵ‌ܐ ܘܫܠܝܼܬܵ‌ܐ ܕܠܵܐ ܦܵܝܫܵܐ ܚܪܝܼܒ݂ܬܵ‌ܐ، ܕܝܼܠܵܗ̇ ܡܵܪܹܐ ܛܝܼܡܵܐ ܠܟܸܣ ܐܲܠܵܗܵܐ.

⁵ܣܵܒܵܒ ܗܵܕܟ݂ܵܐ ܐܘܼܦ ܒܕܲܥܒܲܪ ܒܲܟ݂ܬܵܬܹ̈‌ܐ ܩܲܕܝܼܫܹ̈ܐ، ܐܵܢܝܼ ܕܕܸܪܝܵܐ ܠܗܘܿܢ ܗܹܒ݂ܝܼܵܝܗ‌ܝ ܠܐܲܠܵܗܵܐ، ܟܹܐ ܣܲܩܠܝܼ ܗܘܵܘ ܓܵܢܵܝܗ‌ܝ، ܫܵܠܡܵܢܹ̈ܐ ܝܗܘܵܘ ܠܓܲܒ݂ܪ̈ܵܢܵܝܗ‌ܝ،

⁶ܕܵܐܟ݂ܝܼ ܕܣܲܪܵܐ ܫܠܝܼܡ ܠܵܗ̇ ܠܐܲܒ݂ܪܵܗܵܡ ܘܟܹܐ ܩܵܪܝܵܐ ܗܘܵܐ ܠܹܗ ”ܡܵܪܝܼ“، ܘܐܲܚܬܘܿܢ ܒܢܵܬܘܼ̈ܗ̇ ܝܬܘܿܢ ܐܸܢ ܥܵܒ݂ܕܝܼܬܘܿܢ ܛܵܒ݂ܬܵ‌ܐ ܘܠܵܐ ܦܵܝܫܝܼܬܘܿܢ ܫܥܝܼܫܹܐ ܒܗܸܟ̃ ܙܕܘܼܥܬܵ‌ܐ.

⁷ܗܵܕܟ݂ܵܐ ܐܘܼܦ ܐܲܚܬܘܿܢ ܓܲܒ݂ܪ̈ܵܢܹܐ، ܚܹܝܡܘܼܢ ܥܲܡ ܒܲܟ݂ܬܵܬܵܘ̈ܟ݂ܘܿܢ ܟܲܕ ܒܝܼܕܵܥܵܐ ܕܒܲܟ݂ܬܵ‌ܐ ܝܼܠܵܗ̇ ܦܲܪܨܘܿܦܵܐ ܒܘܼܫ ܙܲܒܘܼܢ. ܡܝܲܩܪܘܼܢ ܠܒܲܟ݂ܬܵܬܵܘ̈ܟ݂ܘܿܢ ܣܵܒܵܒ ܐܘܼܦ ܐܵܢܝܼ ܝܵܪ̈ܘܿܬܹ‌ܐ ܝܢܵܐ ܥܲܡܵܘܟ݂ܘܿܢ ܒܫܵܦܵܩܲܬ ܕܚܲܝܹ̈ܐ، ܕܠܵܐ ܦܵܝܫܝܼ ܡܘܼܟܠܝܼܹܐ ܨܠܵܘܵܬܵܘ̈ܟ݂ܘܿܢ.

⁸ܒܚܲܪܬܵ‌ܐ، ܟܠܵܘܟ݂ܘܿܢ ܗܘܹܝܡܘܼܢ ܒܚܲܕ ܪܸܥܝܵܢܵܐ، ܡܪ̈ܲܚܡܵܢܹܐ ܚܲܕ ܠܗ̇ܘ ܐܚܹܪܢܵܐ، ܡܲܚܸܒܘܼܢ ܐܲܝܟ݂ ܐܲܚܘܿܢܘܵܬܹ̈‌ܐ، ܡܪ̈ܲܚܡܵܢܹܐ، ܡܲܟܝܼܟܹ̈ܐ.

⁹ܠܵܐ ܦܵܪܥܝܼܬܘܿܢ ܒܝܼܫܬܵ‌ܐ ܚܠܵܦ ܒܝܼܫܬܵ‌ܐ، ܘܠܵܐ ܡܲܣܚܲܪܬܵ‌ܐ ܚܠܵܦ ܡܲܣܚܲܪܬܵ‌ܐ، ܐܸܠܵܐ ܡ̣ܢ ܓܹܒܵܐ ܕܐܲܢܹܐ ܒܲܪܟ݂ܘܼܢ، ܣܵܒܵܒ ܠܐܵܗܵܐ ܦܝܼܫ ܠܵܘܟ݂ܘܿܢ ܩܸܪܝܹܐ ܕܝܵܪܬܝܼܬܘܿܢ ܒܘܼܪܟܬܵ‌ܐ.

¹⁰ܣܵܒܵܒ: ܟܠܔ ܡ̇ܢ ܕܡܲܚܸܒ ܚܲܝܹ̈ܐ ܘܒܵܥܹܐ ܕܚܵܙܹܐ ܝܵܘܡܵܢܹ̈ܐ ܛܵܒܹ̈ܐ، ܫܒ݂ܘܿܩ ܢܵܛܹܪܹܗ ܠܸܫܵܢܹܗ ܡ̣ܢ ܒܝܼܫܬܵ‌ܐ ܘܣܸܦܘܵܬܘܼ̈ܗ‌ܝ ܡ̣ܢ ܗܲܡܙܘܼܡܹܐ ܦܸܠܡܵܐ.

¹¹ܫܒ݂ܘܿܩ ܕܵܐܹܪ ܡ̣ܢ ܒܝܼܫܬܵ‌ܐ ܘܥܵܒܹܕ ܛܵܒ݂ܬܵ‌ܐ، ܛܵܥܹܐ ܫܠܵܡܵܐ ܘܪܵܚܹܛ ܒܵܬܪܹܗ.

¹²ܣܵܒܵܒ ܥܲܝ̈ܢܹܐ ܕܡܵܪܝܵܐ ܥܲܠܔ ܙܲܕܝܼܩܹ̈ܐ ܝܢܵܐ، ܘܢܵܬܝܵܬܘܼ̈ܗ‌ܝ ܦܬܝܼܚܹܐ ܝܢܵܐ ܠܨܠܵܘܵܬܵܝ̈ܗ‌ܝ، ܐܝܼܢܵܐ ܦܵܬܵ‌ܐ ܕܡܵܪܝܵܐ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ ܝܠܵܗ̇.

¹³ܡܵܢܝܼ ܒܸܬ ܥܵܒܹܕ ܒܝܼܫܬܵ‌ܐ ܐܸܠܵܘܟ݂ܘܿܢ ܐܸܢ ܗܵܘܹܝܬܘܿܢ ܛܲܢܵܢܹ̈ܐ ܠܸܥܒ݂ܵܕܵܐ ܛܵܒ݂ܬܵ‌ܐ؟

¹⁴ܐܝܼܢܵܐ ܐܵܦܸܢ ܕܓ̰ܲܢܓ̰ܸܪܝܼܬܘܿܢ ܒܘܼܬ ܙܲܕܝܼܩܘܼܬܵ‌ܐ، ܛܘܼܒ݂ܵܐ ܐܸܠܵܘܟ݂ܘܿܢ. ܠܵܐ ܙܵܕܥܝܼܬܘܿܢ ܡ̣ܢ ܐܵܢܝܼ ܕܡܲܙܕܸܥܝܼ ܠܵܘܟ݂ܘܿܢ، ܘܠܵܐ ܦܵܝܫܝܼܬܘܿܢ ܫܓ݂ܝܼܫܹܐ.

¹⁵ܐܸܠܵܐ ܩܲܕܫܘܼܢ ܠܡܵܪܝܵܐ ܡܫܝܼܚܵܐ ܒܠܸܒܵܘܟ݂ܘܿܢ، ܘܒܟܠܔ ܙܲܒ݂ܢܵܐ ܗܘܹܝܡܘܼܢ ܗܕܝܼܪܹܐ ܕܝܵܗܒ݂ܝܼܬܘܿܢ ܓ̰ܘܼܘܵܒ ܠܟܠܔ ܚܲܕ ܕܒܲܩܸܪܵܘܟ݂ܘܿܢ ܒܘܼܬ ܥܸܠܬܵ‌ܐ ܕܗܹܒ݂ܝܼ ܕܐܝܼܬ ܠܵܘܟ݂ܘܿܢ، ܐܝܼܢܵܐ ܓ̰ܲܘܸܒܝܼܬܘܿܢ ܒܡܲܟܝܼܟ݂ܘܼܬܵ‌ܐ ܘܒܐܝܼܩܵܪܵܐ،

¹⁶ܘܗܵܘܹܐ ܠܵܘܟ݂ܘܿܢ ܐܸܢܝܲܬ ܛܵܒ݂ܬܵ‌ܐ، ܗܵܕܟ݂ܵܐ ܐܵܢܝܼ ܕܗܲܡܙܸܡܝܼ ܕܲܠܩܘܼܒ݂ܠܔ ܕܕܘܼܒܵܪ̈ܵܘܟ݂ܘܿܢ ܫܲܦܝܼܪܹ̈ܐ ܒܡܫܝܼܚܵܐ ܢܵܟ݂ܦܝܼ ܕܒܸܠܝܵܡܵܘܟ݂ܘܿܢ ܝܼܢܵܐ.

¹⁷ܣܵܒܵܒ ܒܘܼܫ ܨܦܵܝܝܼ ܝܠܵܗ̇، ܐܸܢ ܨܸܒ݂ܝܵܢܵܐ ܕܐܲܠܵܗܵܐ ܝܠܹܗ، ܕܓ̰ܲܢܓ̰ܸܪܝܼܬܘܿܢ ܒܘܼܬ ܚܵܬܸܪ ܕܫܘܼܠܵܐ ܛܵܒ݂ܵܐ ܡ̣ܢ ܕܓ̰ܲܢܓ̰ܸܪܝܼܬܘܿܢ ܒܘܼܬ ܚܵܬܸܪ ܕܫܘܼܠܵܐ ܒܝܼܫܵܐ.

¹⁸ܣܵܒܵܒ ܐܘܼܦ ܡܫܝܼܚܵܐ ܡܝܼܬ ܠܹܗ ܚܕܵܐ ܓܵܗܵܐ ܡܼܢ ܓܹܒܵܐ ܕܚܛܝܼܵܬܹ̈‌ܐ، ܙܲܕܝܼܩܵܐ ܡ̣ܢ ܓܹܒܵܐ ܕܥܵܘܵܠܹ̈ܐ، ܕܩܲܪܒܸܢ ܗܘܵܐ ܠܵܘܟ݂ܘܿܢ ܠܐܲܠܵܗܵܐ. ܦܝܼܫ ܠܹܗ ܩܛܝܼܠܵܐ ܒܦܲܓ݂ܪܵܐ ܐܝܼܢܵܐ ܦܝܼܫ ܠܹܗ ܡܘܼܚܝܼܵܐ ܒܪܘܼܚܵܐ،

¹⁹ܕܒܝܼܹܗ ܐܘܼܦ ܐܙܝܼܠܔ ܠܹܗ ܘܡܘܼܟܪܸܙ ܠܹܗ ܠܓܵܢܵܬܹ̈‌ܐ ܕܓܵܘ ܒܹܝܬ ܐܲܣܝܼܪܹ̈ܐ،

²⁰ܐܵܢܝܼ ܕܩܲܕܡܵܝܬܵ‌ܐ ܠܵܐ ܡܘܼܨܝܸܬ ܠܗܘܿܢ ܐܝܼܡܲܢ ܕܐܲܠܵܗܵܐ ܚܡܝܼܠܔ ܠܹܗ ܒܝܵܘܡܵܢܹ̈ܐ ܕܢܘܿܚ ܒܥܕܵܢܵܐ ܕܩܹܒ݂ܘܼܬܵ‌ܐ ܦܝܵܫܵܐ ܝܗܘܵܐ ܒܢܝܼܬܵ‌ܐ، ܐܝܼܡܲܢ ܕܐܝܼܬ ܗܘܵܘ ܓܵܘܘܼܗ̇ ܚܲܕܟ̰ܵܐ ܓܵܢܵܬܹ̈‌ܐ، ܬܡܵܢܝܵܐ ܦܲܪ̈ܨܘܿܦܹܐ، ܕܦܝܼܫ ܠܗܘܿܢ ܦܪܝܼܩܹܐ ܒܡ̈ܝܼܵܐ.

²¹ܐܵܗܵܐ ܚܲܕ ܛܘܼܦ̮ܣܵܐ ܝܠܹܗ ܕܡܲܥܡܘܿܕܝܼܬܵ‌ܐ، ܗ̇ܝ ܕܐܘܼܦ ܐܵܕܝܼܵܐ ܟܹܐ ܦܲܪܩܵܐ ܠܵܘܟ݂ܘܿܢ، ܠܵܐ ܒܕܲܟܲܝܬܵ‌ܐ ܡ̣ܢ ܫܸܚܬܵ‌ܐ ܕܦܲܓ݂ܪܵܐ، ܐܸܠܵܐ ܒܐܸܢܝܲܬ ܛܵܒ݂ܬܵ‌ܐ ܠܟܸܣ ܐܲܠܵܗܵܐ، ܒܝܲܕ ܩܝܵܡܬܵ‌ܐ ܕܝܼܫܘܿܥ ܡܫܝܼܚܵܐ،

²²ܗ̇ܘ ܕܐܙܝܼܠܵܐ ܝܠܹܗ ܠܫܡܲܝܵܐ ܘܕܝܼܠܹܗ ܡ̣ܢ ܝܲܡܝܼܢܵܐ ܕܐܲܠܵܗܵܐ؛ ܘܙܲܒܛ ܝܼܢܵܐ ܐܸܠܹܗ ܡܲܠܲܐܟܹ̈ܐ ܘܫܲܠܝܼ̈ܛܹܐ ܘܚܲܝܠܵܘܵܬܹ̈‌ܐ.