ثِيّرِ عِ 3

1

2

3

4

5

¹وٌ تَن فِنّيٍ، وٌ قَن شَ وٌ يّتّ مَفٌرٌ وٌ شَ مْرِيٍ بّ، عَلَكٌ وٌ شَ مْرِ دَنشَنِيَتَرٍيٍ شَ نْ دَنشَنِيَدٍ وٌ تَن عٍ شَ فِنّيٍ وَلِ كِ سَابُي رَ، هَلِ وٌ مُ سٍسٍ قَلَ عٍ بّ،

²عٍ شَ وٌ شَ مَرَ سّنِيّنيِ نُن يَرَفَاشُي فبَنسَن تٌ.

³فِنّيٍ، وٌ نَشَ كَتَ وٌ يّتّ رَيَبُدٍ شُنمَسٍيٍ رَ، عَلْ شُن دّنبّ، تُلِرَ سٌي شّيمَ دَاشِ، شَ نَ مُ دُفِ تٌقَنيِيٍ.

⁴فِنّيٍ شَ تٌقَنيِ شَ قِندِ بْحّ قَنيِ نَن نَ. تٌقَنيِ نَن نَ كِ نَشَن مُ كَنَمَ. نَ نَن تِدٍ فبٌ عَلَ بّ.

⁵سِنفٍ رَ فِنّ سّنِيّنشِيٍ نُ نَ كِ نّ. عٍ شَشِلِ نُ تِشِ عَلَ رَ، عٍ عٍ يّتّ مَفٌرٌشِ عٍ شَ مْرِيٍ بّ،

⁶عَلْ سَرَ نَشَن نُ عِبُرَهِمَ شُي رَبَتُمَ، عَ نُ قَ عَ شِلِ «ن مَرِفِ». وٌ قِندِشِ عَ تَن نَن بْنسْي رَ، شَ وٌ قٍ قَنيِ رَبَ، وٌ مُ تِن فَاشُي يٌ شَ وٌ شَشِلِ يَ عِسٌ.

⁷وٌ تَن قَن، شّمّيٍ، وٌ نُن وٌ شَ فِنّيٍ، وٌ شَ لُ لَنيِ كُي. وٌ شَ وٌ بٌرٍ قَهَامُ. شّمّ شَ عَ كٌلٌن عَ عَ سّنبّ فبٌ عَ شَ فِنّ بّ. شّمّيٍ شَ فِنّيٍ بِنيَ بَرِ مَ وٌ بِرِن نَن كّ كٍرٍن تٌنفٌمَ، نَشَن قِندِ كِسِ رَ، عَلَ نَشَن قِمَ عَ شَ قٌنِسِرٍيَ كُي. وٌ شَ وٌ شَ فِنّيٍ بِنيَ، عَلَكٌ عَلَ شَ وٌ شَ مَشَندِ سُشُ.

⁸وٌ شَ لَن وٌ بٌرٍ مَ، وٌ شَ وٌ بٌرٍ قَهَامُ. نفَشَكٍرٍنيَ شَنُنتٍيَ شَ لُ وٌ تَفِ. وٌ كِنِكِنِ وٌ بٌرٍ مَ، وٌ مَن شَ وٌ يّتّ مَفٌرٌ وٌ بٌرٍ بّ.

⁹وٌ نَشَ قٍ حَاشِ حْشْ قٍ حَاشِ رَ، وٌ نَشَ كٌنبِ حْشْ كٌنبِ رَ. وٌ لَن نّ وٌ شَ دُبَ وٌ بٌرٍ بّ، بَرِ مَ وٌ شِلِشِ نَ نَن مَ، عَلَكٌ وٌ شَ دُبّ سْتْ كّ رَ. عَ سّبّشِ كِتَابُي كُي،

¹⁰«نَشَن وَ مَ سِمَيَ حْشُنمّ شْن مَ، هّيرِ فبٌ نَشَن كُي، نَ كَنيِ نَشَ قٍ كٌبِ قَلَ، وُلٍ نَشَ مِنِ عَ دّ كُي.

¹¹عَ شَ فبِلٍن قٍ حَاشِ قْشْ رَ. عَ حّرّ كِ شَ قَن. عَ شَ بِرَ بْحّسَ قْشْ رَ تُننَبّشِ كُي،

¹²بَرِ مَ مَرِفِ يَ تِشِ تِنشِنتْييٍ نَن نَ، عَ تُلِ مَتِشِ عٍ شَ مَشَندِ رَ. كْنْ، عَ عَ كٌبٍ رَ سٌشِ نّ قٍ كٌبِ رَبَيٍ تَن نَ.»

¹³ندٍ نْمَ وٌ تْورْدٍ شَ قٍ قَنيِ رَبَقٍ بَرَ وٌ بْحّ سُشُ؟

¹⁴هَلِ وٌ تْورْ تِنشِنيِ شَ قٍ رَ، وٌ هّيرِ نَن سْتْمَ. وٌ نَشَ فَاشُ قٍ يَ رَ دُنِحَ مِشِيٍ فَاشُمَ نَشَن يَ رَ، وٌ بْحّ نَشَ عِقُ.

¹⁵كْنْ وٌ شَ عَلَ شَ مِشِ سُفَندِشِ قِندِ وٌ مَرِفِ رَ وٌ بْحّ كُي. وٌ شَ قَتَ عَ شَ قٍ تَفِ رَبَدٍ مِشِيٍ بّ وٌ لَشِ وٌ شَ كِسِ رَ قٍ نَشَن مَ،

¹⁶كْنْ وٌ شَ نَ مَسٍنيِ تِ دْيِندْيِن بِنيّ كُي. وٌ شَ نَ رَبَ بْحّ قِيشّ رَ عَلَكٌ وٌ يَشُي نَشٍيٍ وٌ تْوحّفّمَ عَلَ شَ مِشِ سُفَندِشِ شَ قٍ رَ، عٍ شَ لُ يَافِ كُي.

¹⁷شَ عَلَ عَ رَفِرِ مَ، عَ قِسَ عِ شَ تْورْ قٍ قَنيِ شَ قٍ رَ، دِنّ عِ شَ تْورْ قٍ حَاشِ شَ قٍ رَ.

¹⁸عِسَ تِنشِنتْي قَن قَشَ نّ كٍرٍنيِ رَ تِنشِنتَرٍيٍ شَ يُنُبِيٍ شَ قٍ رَ، عَلَكٌ عَ شَ وٌ مَسٌ عَلَ رَ. عٍ نَشَ عَ قَتٍ قَشَ، كْنْ عَلَ شَشِلِ نَشَ عَ نِي رَفبِلٍن عَ مَ.

¹⁹عَلَ شَشِلِ سِفَ نّ كَوَندِ تِدٍ مِشِيٍ بّ نَشٍيٍ نُ نَ فٍيلِ كُي لَاشِرَ، نَشٍيٍ سِنفٍ نُ بَرَ تٌندِ عَلَ شُي رَتِنمّدٍ.

²⁰عَلَ نُ نَ عٍ مَمّقٍ عَننَبِ نُهَ نُ كُنكُي بَنبَنمَ تّمُي نَشّ. مِشِ سٌلٌمَسَشَن فبَنسَن نَن كِسِ كُنكُي كُي يٍ مَ.

²¹نَ قٍ بَرَ قِندِ مِسَالِ رَ دَنشَنِيَتْي شُنشَ قٍ رَ، نَشَن مِشِ رَكِسِمَ يِ وَشَتِ عَلَ شَ مِشِ سُفَندِشِ عِسَ شَ مَرَكٍلِ سَابُي رَ. نَ شُنشَقٍ يٍ شْورَ، عَ مُ نْشْي بَمَ مِشِ قَتٍ، كْنْ عَ قِندِ مَ نَتّ تٌنفٌي نَن نَ عَلَ مَبِرِ.

²²عِسَ بَرَ تٍ عَلَ يِرٍقَنيِ مَ عَرِيَننَ. مَلٍكّيٍ، حِننّيٍ، نُن سّنبّمَيٍ بِرِن نَ عَ شَ يَامَرِ بُن مَ.