پەند-نەسىھەتلەر 1:1-8

¹ئىسرائىل پادىشاھى داۋۇتنىڭ ئوغلى سۇلايماننىڭ پەند‫‪‎-‎‬‬نەسىھەتلىرى‫‪:‬‬ ــ

²بۇ پەند‫‪‎-‎‬‬نەسىھەتلەر ساڭا ئەقىل‫‪‎-‎‬‬پاراسەت، ئەدەپ‫‪‎-‎‬‬ئەخلاقنى ئۆگىتىپ، سېنى ئىبرەتلىك سۆزلەرنى چۈشىنىدىغان قىلىدۇ؛

³ساڭا دانالىق، ھەققانىيلىق، پەم‫‪‎-‎‬‬پاراسەت ۋە دۇرۇسلۇقنىڭ يوليورۇق‫‪‎-‎‬‬تەربىيىسىنى قوبۇل قىلدۇرىدۇ.

⁴بۇ پەند‫‪‎-‎‬‬نەسىھەتلەر نادانلارنى زېرەك قىلىپ، ياشلارنى بىلىملىك ۋە سەزگۈر قىلىدۇ؛

⁵بۇلارغا قۇلاق سېلىشى بىلەن دانالار بىلىمىنى ئاشۇرىدۇ، يورۇتۇلغان كىشىلەر تېخىمۇ دانا مەسلىھەتكە ئېرىشىدۇ،

⁶شۇنداقلا پەند‫‪‎-‎‬‬نەسىھەتلەر ھەم تەمسىللەرنىڭ مەنىسىنى، دانىشمەنلەرنىڭ ھېكمەتلىرى ھەم تىلسىم سۆزلىرىنى چۈشىنىدىغان قىلىنىدۇ.

⁷پەرۋەردىگاردىن قورقۇش بىلىمنىڭ باشلىنىشىدۇر؛ ئەخمەقلەر دانالىقنى ۋە تەربىيىنى كۆزگە ئىلمايدۇ.

⁸ئى ئوغلۇم، ئاتاڭنىڭ تەربىيىسىگە قۇلاق سال، ئاناڭنىڭ سۆز‫‪‎-‎‬‬نەسىھەتىدىن ئايرىلما؛