يَبُرَ 90:2-16

²بٍينُن فٍيَيٍ نُن دُنِحَ شَ دَا، عِ تَن نَن نُ نَ عَلَ رَ عَبَدَن.

³عِ عِبُنَدَ مَ رَفبِلٍنمَ بّندّ عِ. عِ نَ نَن قَلَ، «عَدَ مَدِ شَ فبِلٍن بّندّ.»

⁴حّ وُلُ كٍرٍن لُشِ نّ عِ بّ عَلْ لْشْ كٍرٍن نَشَن بَرَ دَنفِ، عَلْ وَشَتِ كٍرٍن نَشَن بَرَ دَنفِ كْي كُي.

⁵عِ عَ نِيَ عَدَ مَدِ مُ كٍلِ عَ شَ شِشْلِ مَ. عَ لُشِ عَلْ حٌوفٍ نَشَن مِنِمَ عَ يّتّ رَ.

⁶عَ كٍلِ سُبَشّ مَ، عَ قُفَ، نُنمَرٍ تّمُي عَ حَن بَرَ لِسِ، عَ شَرَ.

⁷عِ شَ شْنّ مُشُ حْنمَ نّ، عَ مُشُ مَفَاشُ.

⁸عِ مُشُ شَ يُنُبِ بِرِن كٌلٌن، هَلِ مُشُ شَ قٍ حَاشِ نَشٍيٍ قِندِشِ فُندٌ رَ.

⁹مُشُ شَ سِمَيَ بِرِن لُمَ عِ شَ شْنّ بُن مَ. مُشُ شَ دُنِحّءِفِرِ شَ بُي بِرِن، حّنفِ رَتٍ كٍرٍن.

¹⁰مُشُ شَ سِمَيَ بُمَ حّ تٌنفٌ سٌلٌقٍرٍ، حّ تٌنفٌ سٌلٌمَسَشَن شَ عَ سْونّيَ، كْنْ نَ بِرِن قِندِشِ تْورّ نُن حَشَنكَتّ نَن نَ. سِمَيَ دَنفِمَ نّ مَقُرٍن مَقُرٍن، عَ مُشُ لُ دِ مِ كُي.

¹¹ندٍ عِ شَ شْنّ سّنبّ كٌلٌن؟ ندٍ فَاشُمَ نَ يَ رَ؟

¹²عَ مُشُ رَتُ سِمَيَ رَحْنيِ مَ، عَلَكٌ مُشُ شَ شَشِلِ سْتْ مُشُ شَ دُنِحّءِفِرِ كُي.

¹³ﭑ مَرِفِ، عِ شَ عِ يَ رَقِندِ مُشُ مَ عِ شَ شْنّ بُمَ هَن مُن تّمُي؟ كِنِكِنِ عِ شَ كٌنيِ دِيٍ مَ.

¹⁴كُيٍ نَ عِبَ، عِ شَ مُشُ رَوَ سَ عِ شَ دُفُتّفّحَ رَ، عَلَكٌ مُشُ شَ سّيوَ مُشُ شَ سِمَيَ بِرِن كُي.

¹⁵عِ تْورّ شَسَبِ نَشَن دْشْ مُشُ مَ، عِ يَافِ شَسَبِ نَشَن سَ مُشُ مَ، عِ مَن شَ مُشُ رَ سّيوَ نَ شَسَبِ رَ.

¹⁶عِ شَ عِ شَ كَابَنَكٌي مَسٍن مُشُ بّ، عِ شَ كٌنيِيٍ. عِ شَ نْرّ شَ مِنِ مُشُ شَ دِيٍ مَ.