يَبُرَ 79:2-13

²عٍ بَرَ عِ شَ كٌنيِيٍ قُرٍيٍ قِندِ شْنِيٍ شَ بَلٌي رَ، عٍ بَرَ عِ شَنُنتٍنيِيٍ سٌ وُلَءِ سُبٍ يِ رَ.

³عٍ بَرَ عٍ سْنتْ دَرِ سَلَمُ رَبِلِنيِ، عٍ مُ رَفَتَ.

⁴سِ نَشٍيٍ نَ مُشُ رَبِلِنيِ عٍ مُشُ كٌنبِمَ، عٍ يٌمَ مُشُ مَ.

⁵عَلَتَلَ، عِ شْنْمَ نّ مُشُ مَ عَبَدَن؟ عِ شَ تْونّ دَنمَ مُن تّمُي؟

⁶عِ شَ شْنْ حَمَنّيٍ مَ نَشٍيٍ مُ عِ كٌلٌن، عِ شَ شْنْ مَنفّيَيٍ مَ نَشٍيٍ مُ عِ بَتُمَ،

⁷بَرِ مَ عٍ بَرَ عِسِرَيِلَ شُن نَكَنَ، عٍ بَرَ عَ شَ لِنفِرَ رَبِرَ.

⁸عِ نَشَ رَتُ مُشُ شَ يُنُبِ دَنفِشِيٍ مَ. عِ شَ هِننّ مُشُ رَ مَقُرٍن، بَرِ مَ سّنبّ يٌ مُ نَ مُشُ بّ سْنْن.

⁹كَقُ مُشُ مَ، مُشُ رَكِسِمَ عَلَ، عِ شِلِ شَ نْرّ شَ قٍ رَ. عِ شَ مُشُ رَكِسِ، عِ شَ مُشُ شَ يُنُبِيٍ شَقَرِ عِ شِلِ شَ قٍ رَ.

¹⁰مُنقٍ رَ حَمَنّيٍ عَ قَلَمَ، «عٍ مَرِفِ عَلَ نَ مِندٍن؟» عٍ شَ عَ كٌلٌن عِ قَمَ عِ شَ كٌنيِيٍ وُلِ فبٍحْشْدٍ مُشُ يَ شْرِ.

¹¹عِ شَ عِ تُلِ مَتِ فٍيلِمَنِيٍ وَ شُي رَ، عِ سّنبّ شَ نٍيٍ رَكِسِ نَشٍيٍ شَ كِيتِسَيٍ وَ مَ عٍ قَشَقٍ.

¹²ﭑ مَرِفِ، عِ شَ سَرٍ دْشْ سٌلٌقٍرٍ رَفبِلٍن نَ سِيٍ مَ، نَشٍيٍ بَرَ عِ بّشُ.

¹³نَ كُي، مُشُ تَن عِ شَ حَمَ قَن قَمَ نّ عِ بَتُدٍ، مُشُ تَن عِ شَ شُرُ سٍيٍ قَمَ نّ عِ شَ مَتْشْي مَسٍندٍ مُشُ بْنسْي بّ عَبَدَن.