عِسِرَيِلَ مَنفّيٍ ٢ 10:29-35

²⁹كْنْ يٍهُ مُ عَ مَكُيَ يٍرٌبٌوَ مِ نٍبَتِ شَ دِ شَ يُنُبِيٍ رَ، نَشَن عِسِرَيِلَكَيٍ تِ يُنُبِ رَبَقٍ مَ. عَ مُ نَ مْولِ رَبَ نَ تَن شَ كُيٍيٍ رَ، نَ نِنفٍ مَسٌلِشِ قِرِنيِ شّيمَ دَاشِ نَشٍيٍ نُ بَتُمَ بٍتٍلِ نُن دَنَ.

³⁰عَلَتَلَ نَشَ عَ مَسٍن يٍهُ بّ، «عِ تٌ بَرَ ﭑ سَفٌي رَبَ عَكَبُ بْنسْي شَ قٍ رَ، ﭑ عِ بْنسْي دْشْمَ نّ عِسِرَيِلَ كِبَنيِ مَ هَن عِ تٌلٌنتٌلٌنيِ.»

³¹كْنْ نَ بِرِن كُي، يٍهُ مُ عِسِرَيِلَ مَرِفِ عَلَتَلَ وَشْنقٍ رَتِنمّ عَ بْحّ بِرِن نَ. عَ مُ دَنيِ سَ عِسِرَيِلَ شَ كُيٍ بَتُي حَاشِ مَ، يٍرٌبٌوَ مِ نَشَن قْلْ.

³²نَ وَشَتِ، عَلَتَلَ نَشَ عَ نِيَ ندٍ شَ نُ بَ رَ عِسِرَيِلَ شَ بْشِ رَ. شَسَيٍلِ نَشَ عٍ تْورْ عٍ شَ بْشِ سٌفٍتٍدٍ.

³³عَ نَشَ نْ فَلَدِ بْشِ بِرِن نَ، فَدِكَيٍ، رُبٍنكَيٍ، نُن مَنَسِكَيٍ نُ سَبَتِشِ دّننَشّ، سَ كٍلِ عَرٌوٍرِ شُرٍ مَ، عَ سِفَ عَرِنٌن فُلُنبَ كُي، هَن عَ سَ بَسَن بْشِ لِ.

³⁴يٍهُ شَ تَرُشُي دْنشْييٍ نُن عَ قٍ قَنيِ نَشٍيٍ بِرِن نَبَ، نٍيٍ سّبّشِ عِسِرَيِلَ مَنفّيٍ شَ تَرُشُي كُي.

³⁵يٍهُ نَشَ لَاشِرَ، عٍ عَ رَفَتَ سَمَرِ. عَ شَ دِ يٍهٌوَشَسِ نَشَ تِ مَنفّ رَ عَ حْشْي رَ.