Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - عَننَبِ عٍسَيِ

عَننَبِ عٍسَيِ 45

Help us?
Click on verse(s) to share them!
1عَلَتَلَ شَ مَسٍنيِ نَن يَ عَ شَ مِشِ سُفَندِشِ سِرُ سِ بّ، عَ نَشَن شّيشِ حَمَنّيٍ شُن نَكَنَقٍ رَ، عٍ شَ لُ عَ شَ يَامَرِ بُن مَ، عَ نَادّ رَبِشِ نَشَن بّ عَلَكٌ عَ شَ وَلِ شَ سْونّيَ.
2«ﭑ تِمَ نّ عِ يَ رَ، ﭑ تٍنتٍنيِ مَفٌرٌ عِ بّ، ﭑ وُرٍ فبٍيلِ نَادّيٍ كَنَ، ﭑ وُرٍ نَادّيٍ يٍنسٍن يّ عِ يَ رَ.
3ﭑ نَاقُلِ نْشُنشِ قِمَ نّ عِ مَ، عَلَكٌ عِ شَ عَ كٌلٌن ﭑ تَن نَن عِسِرَيِلَ مَرِفِ عَلَتَلَ رَ، نَشَن عِ شِلِشِ عِ شِلِ يَتِ رَ.
4ﭑ مَ كٌنيِ يَشُبَ شَ قٍ رَ، ﭑ مَ حَمَ سُفَندِشِ عِسِرَيِلَ، ﭑ عِ شِلِشِ عِ شِلِ نَن نَ، ﭑ بِنيّ قِمَ نّ عِ مَ هَلِ عِ تٌ مُ ﭑ كٌلٌنشِ سِندٍن.
5ﭑ تَن نَن نَ عَلَتَلَ رَ، عَلَ فبّتّ يٌ مُ نَ بَقٍ ﭑ تَن نَ. ﭑ سّنبّ قِمَ نّ عِ مَ هَلِ عِ تٌ مُ ﭑ كٌلٌنشِ سِندٍن.
6نَ كُي مِشِ بِرِن قَمَ نّ عَ كٌلٌندٍ عَ عَلَ كٍرٍنيِ نَن ﭑ نَ، كٍلِقٍ سٌفٍتٍدٍ هَن سٌفٍفٌرٌدٍ، عَلَ فبّتّ يٌ مُ نَ.
7ﭑ تَن نَن كٌورٍ عِيَلَنمَ، ﭑ دِ مِ رَ سِن، ﭑ تَن نَن هّرِ رَ مِنِمَ، ﭑ فبَلٌي رَبَ. ﭑ تَن عَلَتَلَ نَ ﭑ نَ قٍيٍ بِرِن نَبَمَ.»
8«تُنّ يٍ شَ فٌرٌ كٍلِقٍ كٌورٍ مَ، نُشُي شَ رَبِ يٍ رَ مِنِقٍ رَ. بْشِ قَن شَ رَبِ نَ يٍ سْتْقٍ رَ. كِسِ شَ سْتْ عَلْ سَنسِ بُلَمَ كِ نَشّ، تِنشِنيِ شَ لُ نَ. ﭑ تَن عَلَتَلَ نَن نَ بِرِن دَاشِ.»
9حَشَنكَتّ نَ مِشِ بّ، نَشَن عَ يَءِلَنمَ مَتَندِ مَ، نَشَن قِندِشِ قّحّ شُنتُنيِ تُن نَ. بّندّ دٌلٌشِ عَ قَلَمَ قّحّ يَءِلَنمَ بّ، «عِ ﭑ يَءِلَنقٍ مُنسٍ رَ؟ عِ شَ وَلِ مُ قَن!»
10حَشَنكَتّ نَ مِشِ بّ، نَشَن عَ قَلَمَ عَ بَبَ نُن عَ نفَ بّ، «وٌ مُنسٍ بَرِشِ؟»
11عَلَتَلَ شَ مَسٍنيِ نَن يَ، عِسِرَيِلَ شَ سّنِيّنتْي نَشَن وٌ دَاشِ، «وٌ وَ مَ ﭑ مَشْرِنقٍ تِنَ قٍ نَن مَ ﭑ نَشَن نَبَمَ ﭑ مَ دِيٍ رَ؟ وٌ وَ مَ ﭑ يَمَرِقٍ ﭑ مَ وَلِ شَ قٍ نَن نَ؟
12ﭑ تَن نَن بْشِ يَءِلَنشِ، ﭑ قَ مِشِ دَا عَ قَرِ. ﭑ تَن نَن كٌورٍ عِتَلَ ﭑ بّلّشّ رَ، ﭑ تُنبُييٍ يَمَرِ.
13ﭑ تَن نَن مَن سِرُ سِ شّيمَ ﭑ مَ تِنشِنيِ شَ قٍ رَ. ﭑ كِرَ رَبْو مَ نّ عَ بّ عَلَكٌ عَ شَ ﭑ مَ تَا تِ، عَ شَ ﭑ مَ حَمَ شْرْيَ شُنسَرٍ شَنبِ.» عَلَتَلَ شَ مَسٍنيِ نَن نَ كِ.
14عَلَتَلَ شَ مَسٍنيِ نَن يَ، «مِسِرَ نُن عٍتِيٌثِ شَ نَاقُلِ لُمَ نّ عِ يِ رَ، سٍبَكَيٍ قِندِ مَ نّ عِ شَ كٌنيِيٍ رَ، عٍ بِرَ عِ قْشْ رَ يْلْنشْنيِ كُي، عٍ سُيِدِ عِ بّ، عٍ عَ قَلَ عِ بّ، ‹عَلَ نَ عِ قْشْ رَ، عَ مَنِيّ مُ نَ، عَلَ فبّتّ مُ نَ.›»
15عِسِرَيِلَ مَرِفِ عَلَ، عَ رَكِسِمَ، عَلَ نَن عِ رَ، نَشَن مُ عَ يّتّ مَسٍنمَ كّنّ مَ.
16كُيٍ يَءِلَنمَيٍ قَمَ نّ لُدٍ يَافِ كُي، عٍ عٍ بِرِن شَنِن،
17كْنْ عَلَتَلَ عِسِرَيِلَ تَن رَكِسِمَ نّ عَبَدَن، عَ مُ قَمَ يَافِدٍ قٍوٌ.
18عَلَتَلَ نَشَن كٌورٍ دَاشِ، نَشَن قِرِن ندٍ مُ نَ، نَشَن دُنِحَ دَاشِ عَ كِ نُن عَ كّحَ نَن مَ، عَ قَ عَدَ مَدِيٍ رَ سَبَتِ عَ مَ، عَ قَ عَ قَلَ، «عَلَتَلَ نَن نَ، عَلَ فبّتّ يٌ مُ نَ.

19ﭑ مُ وْيّنشِ دُنشُي شَ رَ دٍ. ﭑ مُ عَ قَلَ يَشُبَ بْنسْي بّ عٍ شَ ﭑ قٍن نَ كِ تُن. ﭑ تَن عَلَتَلَ نْندِ نَن قَلَمَ، ﭑ تِنشِنيِ نَن مَسٍنمَ.»
20«وٌ وٌ مَلَن، وٌ قَ، وٌ وٌ مَسٌ، وٌ تَن مِشِ فِشِيٍ كٍلِقٍ حَمَنّيٍ مَ، كُيٍ بَتُييٍ مُ سٍسٍ كٌلٌن، عٍ كُيٍ مَشَندِ مَ نَشٍيٍ مُ نْمَ مِشِ رَكِسِدٍ.
21وٌ وٌ شُي رَ مِنِ، وٌ شَ مَرَكٌلٌنيِ تِ عٍ بّ. عٍ شَ عٍ بٌرٍ رَ سِ. ندٍ يِ مَسٍنيِ تِشِ كَبِ تّمُي شْنكُيٍ؟ ﭑ تَن شَ مُ عَ رَ؟ عَلَ فبّتّ يٌ مُ نَ بَقٍ ﭑ تَن نَ، عَلَ نَشَن تِنشِن، نَشَن مِشِ رَكِسِمَ.
22وٌ شَ فبِلٍن ﭑ مَ، وٌ تَن نَشٍيٍ كٍلِمَ دُنِحَ تُنشُنيِيٍ مَ، عَلَكٌ وٌ شَ كِسِ سْتْ، بَرِ مَ عَلَ فبّتّ يٌ مُ نَ بَقٍ ﭑ تَن نَ.
23ﭑ بَرَ ﭑ كَلِ ﭑ يّتّ رَ نْندِ كِ مَ، ﭑ مَ مَسٍنيِ مُ كَنَمَ قٍقٍ مَ. شِنبِ بِرِن سِنمَ نّ ﭑ بُن مَ، كَلِ بِرِن نَبَمَ ﭑ تَن نَن شِلِ رَ.
24حَمَ عَ قَلَمَ نّ ﭑ بّ، ‹تِنشِنيِ نُن سّنبّ تٌمَ عِ تَن عَلَتَلَ نَن فبَنسَن يِ.›» مِشِ نَشٍيٍ نُ مُرُتَشِ عَ مَ، عٍ قَمَ نّ عَ يِرٍ يَافِ كُي.
25كْنْ عِسِرَيِلَ بْنسْي فبٍ حْشْمَ نّ عَلَتَلَ سَابُي رَ، عٍ قَ شُننَكٍلِ سْتْ.