تَرُشُي 16:11-32

¹¹مُشُ تٌ كٍلِ تِرٌيَسِ، مُشُ نَشَ بَكِ كُنكُي كُي، مُشُ نَشَ مُشُ يَ رَقِندِ سَمٌتِرَ سِ مَ كٍرٍن نَ. نَ كُيٍ عِبَ، مُشُ نَشَ تِ نٍيَثٌلِ.

¹²مُشُ تٌ كٍلِ نَا، مُشُ نَشَ سِفَ قِلِثِ، مَسٍدٌن تَا سِنفٍ. عٍ نُ نَ رْ مَكَيٍ شَ مَنفّيَ نَن بُن مَ. مُشُ نَشَ سَشَنيِ رَدَنفِ نَ تَا كُي.

¹³مَلَبُ لْشْي، مُشُ نَشَ سِفَ تَا قَرِ مَ شُرٍ دّ رَ، مُشُ دّننَشّ مَحْشُن سَلِدٍ رَ. مُشُ تٌ دْشْ، مُشُ نَشَ وْيّن فِنّيٍ رَ نَشٍيٍ نُ مَلَنشِ نَا.

¹⁴فِنّ ندٍ نُ نَ عٍ يَ مَ نَشَن شِلِ لِدِ، فَرّ دُفِ مَتِ. تِيَتِرٍكَ نَن نُ عَ رَ. عَ فَاشُ عَلَ يَ رَ. عَ تٌ عَ تُلِ مَتِ، مَرِفِ نَشَ عَ بْحّ رَبِ عَلَكٌ ثْلُ نَشَن قَلَمَ عَ شَ سٌ عَ شَشِلِ مَ.

¹⁵عَ تٌ عَ شُنشَ يٍ شْورَ، عَ نُن عَ شَ دٍنبَيَ، عَ نَشَ مُشُ مَيَندِ، «شَ وٌ سَ لَشِ عَ رَ ﭑ بَرَ دَنشَنِيَ مَرِفِ مَ، وٌ قَ لُ ﭑ مَ بَنشِ كُي يِ سَشَنيِ.» عَ نَشَ مُشُ كَرَشَن مَيَندِ رَ.

¹⁶مُشُ تٌ نُ سِفَمَ سَلِدٍ، كٌنيِ فِنّ ندٍ نَشَ قَ مُشُ يَ رَ. حِننّ كَنيِ نَن نُ عَ رَ، حِننّ نَشَن شِلِ تِنّ، نَشَن سٍ مَتٌمَ. نَ فِنّ نُ نَاقُلِ شُنفبٍ رَ سٌمَ عَ كَنيِيٍ مَ.

¹⁷عَ نَشَ سٌ بِرَقٍ مُشُ قْشْ رَ، ثْلُ نُن مُشُ تَن. عَ نُ سْنشْي رَتٍ، «يِ مِشِيٍ عَلَ شِلِ شُنفبٍ كَنيِ شَ كٌنيِيٍ نَن عٍ رَ. عٍ وٌ تِقٍ كِسِ كِرَ نَن شْن مَ.»

¹⁸عَ نَشَ نَ رَبَ شِ وُيَشِ. ثْلُ تٌ شْنْ، عَ نَشَ عَ يَ رَقِندِ، عَ نَشَ عَ قَلَ حِننّ بّ، «ﭑ بَرَ عِ يَمَرِ عِسَ شِلِ رَ، عَلَ شَ مِشِ سُفَندِشِ، فبِلٍن يِ فِنّ قْشْ رَ.» حِننّ نَشَ فبِلٍن عَ قْشْ رَ كٍرٍن نَ.

¹⁹نَ كٌنيِ فِنّ كَنيِيٍ تٌ عَ تٌ عٍ شَ فٍينِ بَرَ كَنَ، عٍ نَشَ ثْلُ نُن سِلَسِ سُشُ. عٍ نَشَ عٍ شَنِن كِيتِسَيٍ يِرٍ.

²⁰عٍ نَشَ عٍ دّنتّفّ كِيتِسَيٍ بّ، عٍ نَشّ، «يِ مِشِيٍ نَن وٌن مَ تَا يَ عِسٌقٍ.

²¹يُوِقِ نَن عٍ رَ نَشٍيٍ نَامُنيِيٍ شَ قٍ مَسٍنمَ وٌن مُ تِنشِ نَشٍيٍ رَ، وٌن تَن رْ مَكَيٍ.»

²²حَمَ قَن نَشَ كٍلِ عٍ رَ، نُن كِيتِسَيٍ. عٍ نَشَ عٍ مَكٌيّن، عٍ نَشَ يَامَرِ قِ عٍ شَ عٍ بْنبْ لُشُسِنيِ رَ.

²³عٍ تٌ فّ عٍ بْنبْدٍ، عٍ نَشَ عٍ وٌلِ فٍيلِ كُي. عٍ نَشَ كْسِبِلِ يَمَرِ عَ شَ عٍ كَنتَ عَ قَنيِ رَ.

²⁴نَ كْسِبِلِ تٌ نَ يَامَرِ سْتْ، عَ نَشَ ثْلُ نُن سِلَسِ سَ فٍيلِ كُي، عَ يْلْنشْنيِيٍ سَ عٍ مَ.

²⁵كْي تَفِ تٌ عَ لِ، ثْلُ نُن سِلَسِ نُ عَلَ مَشَندِقٍ، عٍ نُ عَلَ مَتْشْقٍ بّيتِ رَ. فٍيلِمَنِيٍ نُ عٍ شُي مّشِ.

²⁶بْشِ نَشَ سّرّن كٍرٍن نَ، فٍيلِ سَنبُنيِ نَشَ عَ رَ مَشَ. نَ تّمُي كٍرٍنيِ كُي، نَادّ بِرِن نَشَ رَبِ. فٍيلِمَنِيٍ بِرِن شَ يْلْنشْنيِيٍ نَشَ مَبٌلٌن.

²⁷كْسِبِلِ نَشَ شُنُ. عَ تٌ فٍيلِ نَادّيٍ تٌ عٍ رَبِشِ، عَ نَشَ عَ شَ سَنتِدّفّمَ بّندُن عَ تّي عَ شَ عَ يّتّ قَشَ، عَ حْشْ عَ مَ عَ فٍيلِمَنِيٍ نُ بَرَ عٍ فِ.

²⁸كْنْ ثْلُ نَشَ سْنشْ عَ شُي عِتٍشِ رَ، «عِ نَشَ قٍ شْنّ نِيَ عِ يّتّ رَ، مُشُ بِرِن نَ بٍ.»

²⁹عَوَ، كْسِبِلِ تٌ تّ مَشِلِ، عَ نَشَ سٌ مَقُرٍن. عَ نَشَ عَ شِنبِ سِن ثْلُ نُن سِلَسِ بُن مَ، عَ سّرّنمَ.

³⁰عَ نَشَ عٍ رَ مِنِ، عَ عٍ مَشْرِن، «مَرِفِيٍ، عَ لَنمَ ﭑ شَ مُنسٍ رَبَ عَلَكٌ ﭑ شَ كِسِ؟»

³¹ثْلُ نُن سِلَسِ نَشَ عَ يَابِ، «عِ شَ دَنشَنِيَ مَرِفِ عِسَ مَ. نَ نَن عَ تٌمَ عِ كِسِمَ، عِ تَن نُن عِ شَ دٍنبَيَ.»

³²عٍ نَشَ مَرِفِ شَ وْيّنيِ مَسٍن عَ بّ عَ نُن عَ شَ مِشِيٍ.