Пәнд-несиһәтләр 1:3-17

³саңа даналиқ, һәққанийлиқ, пәм-парасәт вә дуруслуқниң йолйоруқ-тәрбийисини қобул қилдуриду.

⁴Бу пәнд-несиһәтләр наданларни зерәк қилип, яшларни билимлик вә сәзгүр қилиду;

⁵буларға қулақ селиши билән даналар билимини ашуриду, йорутулған кишиләр техиму дана мәслиһәткә еришиду,

⁶шундақла пәнд-несиһәтләр һәм тәмсилләрниң мәнисини, данишмәнләрниң һекмәтлири һәм тилсим сөзлирини чүшинидиған қилиниду.

⁷Пәрвәрдигардин қорқуш билимниң башлинишидур; Ахмақлар даналиқни вә тәрбийини көзгә илмайду.

⁸И оғлум, атаңниң тәрбийисигә қулақ сал, анаңниң сөз-несиһәтидин айрилма;

⁹чүнки улар сениң бешиңға тақалған гүл чәмбирәк, бойнуңға есилған марҗан болиду.

¹⁰И оғлум, яманлар сени аздурса, уларға әгәшмигин.

¹¹Әгәр улар: — Жүр, қапқан қуруп адәм өлтүрәйли; Йошурунивелип, бирәр бегуна кәлгәндә урайли!

¹²Тәһтисарадәк уларни жутуветәйли, Сақ болсиму, һаңға чүшкәнләрдәк уларни жиқитайли;

¹³Улардин хилму-хил қиммәтлик мал-дунияға егә болуп, Өйлиримизни олҗа билән толдуримиз.

¹⁴Биз билән шерик бол, Һәмянимиз бир болсун, десә, —

¹⁵И оғлум, уларға йолдаш болма, Өзүңни уларниң изидин нери қил!

¹⁶Чүнки уларниң путлири рәзилликкә жүгүриду, Қолини қан қилиш үчүн алдирайду.

¹⁷Һәр қандақ учарқанат туюп қалғанда қапқан қоюш бекар аваричиликтур;