Taalie 1:3-17

³xurui fanyi xa lu e yi, e xa bira tinxinyi, nɔndi, nun fe fanyi fɔxɔ ra.

⁴Xaxili fanyi mu naxee yi, nee xa na sɔtɔ, maɲɔxunyi fanyi xa lu fonikee bɛ, e xa fe fanyie kolon, e lan e xa naxee raba.

⁵Lɔnnila xa a tuli mati alako a xa fe kolonyi xun xa masa. Xaxilima xa a tuli mati, alako a xa ɲɛrɛ ki fanyi kolon,

⁶taali kui fiixɛfe xa sɔɔnɛya e bɛ, e xa fahaamui sɔtɔ lɔnnilae xa masenyie nun taalie ma.

⁷Alatala xa yaragaaxui findixi lɔnni fɔlɛ nan na. Xaxilitaree nan yoma lɔnni nun marasi ma.

⁸N ma di, i i tuli mati i baba xa marasi ra, i naxa tondi i nga xa xurui ra,

⁹barima xunmase tofanyi nan findima a ra i xunyi ma, kɔn magore nan a ra i kɔnyi ma.

¹⁰N ma di, i naxa tin yunubitɔɛe xa i ratantan.

¹¹Xa e a fala, «Bira muxu fɔxɔ ra, won xa sa kira madɔxɔ mixie bɛ, won xa e faxa, won xa gantanyi te mixie bɛ naxee mu fefe rabaxi won na,

¹²Won xa e xun nakana, alɔ gaburi a rabama ki naxɛ mixie ra naxee sigama aligiyama.

¹³Won fama naafuli sɔtɔde na kui, won ma banxie rafema nɛ se fanyie ra.

¹⁴Lu muxu ya ma alako i xa nde sɔtɔ, won ma kɔbiri malande xa findi keren na.»

¹⁵N ma di, i naxa bira na mixi mɔɔli fɔxɔ ra, i naxa lu na kira xɔn ma,

¹⁶barima e fe ɲaaxi nan tun nabama, e gbataxi mixi nii bade.

¹⁷Gantanyi mu tema xɔni ya xɔri,