Ɛzala 10 - Bibeli Luayãtaalá

Ɛzala 10

Click on verse(s) to share them!

¹Gↄↄ pↄ́ Ɛzala lɛ́ lousisi màa, a kúlɛa Lua kpɛ́ kpɛɛlɛ, àlɛ ń duunaↄ o Luaɛ, àlɛ ↄ́ↄlↄ, Isailiↄ kã̀aaaàzi dasidasi, gↄ̃ɛↄ ń nↄɛↄ ń nɛ́fɛ̃nɛnaↄ, ↄ̃ aalɛ ↄ́ↄlↄ maamaa.

²Ɔ̃ Elaũ bui Yeiɛli nɛ́ Sekania fɛ̀lɛ yã'ò Ɛzalaɛ à mɛ̀: Wa bↄ wá Lua kpɛ, wa bui pↄ́ liaawáziↄ sɛ̀ nↄ ũ. Ń beeo bↄkĩi kú wá Isailiↄnɛ e tia.

³Wà lɛdoũkɛ ń wá Luao sa, wí nↄɛpiↄ ya ń ń nɛ́ↄ, lá n a lɛdàwáwa, mpi ń gbɛ̃́ pↄ́ aa wá Lua yãdilɛaↄ vĩa vĩↄ. Wà kɛ lá aà ikoyã'òwa.

⁴Fɛlɛ! À gↄ̃̀ n yã́ ũɛ. Wa zɛnnↄɛ. Sↄ̃dilɛ ǹ zĩkɛ yã́piwa.

⁵Ɔ̃ Ɛzala fɛ̀lɛ, a tò kíaↄ ń sa'onaↄ ń Levii buiↄ ń Isailiↄ píi lɛgbɛ̃̀ yã́pi musu.

⁶Ɔ̃ à gò Lua kpɛ́ kpɛɛlɛ, à gɛ̀ ì Ɛliasibu nɛ́ Yohanani kpɛ́nɛu. I pↄbleo, i imio, kɛ́ àlɛ zĩ̀zↄ pↄ́ sùↄ náaisaikɛ ↄ́ↄlↄ yã́i.

⁷Ɔ̃ wà kpàwakɛ̀ Yelusalɛũ ń Yuda bùsuo píi wà mɛ̀, zĩ̀zↄ pↄ́ sùↄ aa kãaa Yelusalɛũ píi.

⁸E gↄↄ àaↄ̃ àↄ gɛ́ pai, tó gbɛ̃́ i mↄo, aà àizɛɛↄ gↄ̃̀ Dii pↄ́ ũɛ, wi ade ya bↄ zĩ̀zↄ pↄ́ sùↄ guu. Kíaↄ ń gbɛ̃zↄ̃ↄↄ mɛ́ zɛ̀ò màa.

⁹Ɔ̃ Yuda gↄ̃ɛↄ ń Bɛ̃yãmɛɛ bui gↄ̃ɛↄ kã̀aa Yelusalɛũ píi e gↄↄ àaↄ̃pi gɛ̀ pàò. Mↄ kɛ̃okwi gↄↄ baode zĩ́ aa zↄ̃lɛa Lua kpɛ́ gãaɛ ḿpii, aalɛ lualua yã́pi ń lou pↄ́ lɛ́ mao yã́i.

¹⁰Ɔ̃ sa'ona Ɛzala fɛ̀lɛ yã'ònɛ́ à mɛ̀: A bↄ Lua kpɛ, a wá Isailiↄ tàae kã̀fĩ, a buipãleↄ sɛ̀ nↄ ũ.

¹¹À á duunaↄ o Dii á deziↄ Luaɛ, í aà pↄeã kɛ sa. À kɛ̃kↄ̃wa ń bui pↄ́ liaaáziↄ ń nↄ pↄ́ á sɛ̀ ń guuↄ.

¹²Bíla wèwà ń lↄↄ gbãao aa mɛ̀: Màaɛ, wá kɛ lá ń òwɛ̃ɛwa.

¹³Ãma wá dasi mɛ́ lou ku, wá fↄ̃ wàↄ zɛa bàasi lao. Wá fↄ̃ yã́pi kɛkɛ gↄↄ do ge gↄↄ plao, asa wá tàae kɛ̀ zↄ̃ↄ yã́pi musu.

¹⁴Tó wá kíaↄ gↄ̃ la bíla gɛ̃ɛ ũ. Gbɛ̃́ pↄ́ buipãleↄ sɛ̀ nↄ ũↄ i bↄ wɛ̃́lɛ ń wɛ̃́lɛo, aai mↄ gↄↄ pↄ́ wa dìlɛnɛ́wa ń ń wɛ̃́lɛ gbɛ̃zↄ̃ↄↄ ń yã́kpalɛkɛnaↄ, wá Lua pↄ i weewá yã́pi musu.

¹⁵Asaɛli nɛ́ Yonatãa ń Tikeva nɛ́ Yaziao mɛ́ bↄ̀ yã́pi kpɛ ḿpla, ↄ̃ Levii buiↄ Mɛsulaũ ń Sabetaio zɛ̀ńnↄ.

¹⁶Ɔ̃ zĩ̀zↄ pↄ́ sùↄ kɛ̀ lá wa òwa. Sa'ona Ɛzala uabeleↄ sɛ̀ daɛdaɛ mɛ̀ndodo. À ń tↄ́ dàlau píi. Mↄ kwide gↄↄ sɛ̃́ia zĩ́ ↄ̃ gbɛ̃́piↄ zↄ̃̀lɛ yã́pi gwàgwa.

¹⁷Mↄ sɛ̃́ia gↄↄ sɛ̃́ia zĩ́ aa buipãle sɛnapiↄ yã́ gwàgwa aa làa píi.

¹⁸Sa'ona pↄ́ aa buipãle nↄ sɛ̀ↄn kɛ: Yozada nɛ́ Yesua buiↄ ń a dãunaɛ beeↄ Maasea, Ɛliɛzɛɛ, Yalibu, Gedalia.

¹⁹Aa ↄdà kↄ̃ ↄu aa mɛ̀ wa ń nↄpiↄ yá, ↄ̃ an baade sãsa kpà ń tàae fĩabobↄ ũ.

²⁰Imɛɛ buiↄ Anani ń Zebadiao.

²¹Aliũ buiↄ Maasea, Ɛlia, Semaia, Yeiɛli, Uzia.

²²Pasuu buiↄ Ɛlioenai, Maasea, Isimaɛla, Nɛtanɛli, Yozaba, Ɛlasa.

²³Levii buiↄ Yozaba, Simɛi, Kelaia pↄ́ wì mɛ lↄ Kelita, Petaia, Yuda, Ɛliɛzɛɛ.

²⁴Lɛ̀sina Ɛliasibu ń bĩ́ibↄlɛdↄ̃anaↄ Saluũ ń Teleũo ń Ulio.

²⁵Isaili kĩni pↄ́ aa buipãle nↄ sɛ̀ↄn kɛ: Palↄsi buiↄ Lamia, Izia, Malakia, Miamɛ, Ɛleazaa, Malakia, Benaia.

²⁶Elaũ buiↄ Matania, Zakali, Yeiɛli, Abadi, Yelemↄ, Ɛlia.

²⁷Zatu buiↄ Ɛlioenai, Ɛliasibu, Matania, Yelemↄ, Zabada, Aziza.

²⁸Bebai buiↄ Yohanani, Anania, Zabai, Atalai.

²⁹Bani buiↄ Mɛsulaũ, Maluku, Adaia, Yasubu, Seali, Yelemↄ.

³⁰Paata Mↄabu buiↄ Adena, Kelala, Benaia, Maasea, Matania, Bezalɛli, Binui, Manase.

³¹Aliũ buiↄ Ɛliɛzɛɛ, Isia, Semaia, Simɛↄ,

³²Bɛ̃yãmɛɛ, Maluku, Semalia.

³³Asuũ buiↄ Matenai, Matata, Zabada, Ɛlifele, Yelemai, Manase, Simɛi.

³⁴Bani buiↄ Maadai, Amlaũ, Uɛli,

³⁵Benaia, Bedea, Kelui,

³⁶Vania, Mɛlemↄ, Ɛliasibu,

³⁷Matania, Matenai, Yaasu.

³⁸Binui buiↄ Simɛi,

³⁹Selemia, Natã, Adaia,

⁴⁰Manadebai, Sasai, Salai,

⁴¹Azalɛli, Selemia, Semalia,

⁴²Saluũ, Amalia, Yosɛfu.

⁴³Nɛbo buiↄ Yeiɛli, Matitia, Zabada, Zebina, Yadai, Yoɛli, Benaia.

⁴⁴Gbɛ̃́piↄ buipãle nↄ sɛ̀ɛ ḿpii, mɛ́ an nↄpi keeↄ nɛ́ↄ ì'ińnↄ.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Ɛzala 1012345678910

Ɛzala 10
1
2
3
4
5
6
7
8
9
10