1Eʒera e Anuture ufuŋte maŋfuŋko qarâ numuhuc kiŋ bahac mutaniŋkerâ kiowec. E iŋuc ehame Israe guruonec kikefuŋ sâko, ŋic ŋokac â naru motec jaŋe erao tumaŋne‐fârembiŋ, ehuc kio sâqorembiŋ.
2Ehame Elamte ɋâricfâc jaŋeraonec Jehiele ŋokâ‐ticne Sekaniazi Eʒera kecʒiŋuc muhuc âzâcnewec: “Nâŋe mâreŋ ʒirec ŋicne ŋicne jaŋere ŋokacfâc rocjopahuc Anutu‐nâŋec bunao bambeŋ. Erâ sifu Israe e hata‐ticne biaŋne moc bâfuazo murâ sâcne bâfuaocmu.
3Irec nâŋâc Anutu‐nâŋechec ʒâʒâfic moc ehuc bomboŋ‐nâŋec gore mumutâcte sâcko mecne â Anutu‐nâŋecte sâcmutâc dâŋte erâ ɋarac ɋarac qaŋgopieŋ jaŋere dâŋte sâcko mâmâc ŋokac ʒi naru motecfâc‐jeŋic jaŋehec behec‐jopanʒepeneŋ, erâ i sâcmutâc dâŋte sâcko enʒepeneŋ.
4Ajoc, faharec i gore gie, erâ nâŋe gohec maŋ mocjaha eŋgopeneŋ; irec sanaŋkerâ ezo.”
5Iŋuc mume Eʒera e faharerâ taha bapa micne â Lewiŋic erâ Israe ŋic sasawa jaŋe dâŋ mukicne irec sâc mujomirerâ eniŋte ejarewec. Eme jaŋe mujomirembiŋ.
6Eme Eʒera e Anuture ufuŋmaŋkonec waharâ Eliasibire ŋokâ Johanaŋte ficmaŋko ferâ nânâ opâ qikiŋnerâ mâc waha fowec. E kâpâcwâruonec risiembiŋ jaŋe Wofuŋtao mi siŋkembiŋ irec ki busâqoc ewec hâcne.
7Eme kâpâcwâruonec risiembiŋ jaŋe Jerusalem haeo tumaŋne‐fâreniŋte dâŋ musawepie Juda mâreŋko â Jerusalem haeo sâcke‐fârerâ rawec.
8Eme moc e ʒoaŋ gie bapa jahec â moc irec maŋnao mi fisime ine fekicne â soŋaŋ jaŋe mupie mafa â jufu mumuc‐ticne i jâoc rohuc e jahacne ine kâpâcwâruonec risiembiŋ kikefuŋ i jaŋeraonec tuŋkezo.
9Eme irec Judaŋic â Benjamiŋ guru jaŋe ʒoaŋ gie bapa jahec â moc irec maŋnao Jerusalem haeo tumaŋnembiŋ. Tutumaŋ i mosa 9 irec ʒoaŋ gie bapa 20 ira embiŋ. Eme ŋic ŋokac jaŋe Anuture ufuŋ maŋfuŋko hae ʒoŋa kâcɋene ira wiac irec erâ â hoe micsâko hewecte ɋarac ɋarac qahuc ŋembiŋ.
10Eme taha bapa Eʒera e fahare domahuc ʒiŋuc jazawec: “Ŋoŋe sâcmutâc dâŋ huckerâ mâreŋ mockonec ŋokac rocjopahuc Israere kiŋ bâŋɋârâŋkembiŋ.
11Eme irec apa ŋosafâc‐ŋeŋic jaŋere Wofuŋ Anutu erao kiŋ bahac‐ŋeŋic mutaniŋkerâ micticne reŋkenʒepieŋ. Erâ mâreŋ ʒirec ŋicne ŋicne â mâreŋ mockonec ŋonâŋfac‐ŋeŋic jaŋerao ʒuʒuhuc‐ŋeŋic fokac i hetâcnenʒepieŋ.”
12Iŋuc mume kikefuŋ jaŋe owa kâcɋene owackehuc kecʒiŋuc mumbiŋ: “Iŋuc hâcne; nâŋe goki mukomec iŋuc jâmbâŋ enʒepeneŋ.
13Erâ ine ŋic ŋokac bocjaha juŋgopeneŋ â hoe micsâko hekac wâc, irec nâŋe sawao ʒira sâcne mi domanaŋmu. Erâ wâc gie ʒi ʒoaŋ gie bapa mocjaha me jajahec ira bapane mi ekac, nâŋe wiac i ehuc bahac bâfua‐jâmbâŋkembeŋ hâcne.
14Irec fekicnefâc‐nâŋec jaŋe kikefuŋ sâko jaŋere okacne domanʒepieŋ. Ehame hae‐nâŋec sâc ira mâreŋ mockonec ŋokac rocjopambiŋ ŋic i jaŋe soŋaŋ â mumutara ŋic jaŋehec dameŋ mukicnaoa fisi‐fârenʒepieŋ. Iŋuc epene juku wiac irec Anutu‐nâŋecte kimbeŋzi nâŋâcnao bâruŋkehuc fokac i râriezejec.”
15Eme Asahele ŋokâ‐ticne Jonataŋ â Tikiware ŋokâ Jazeja jahe sawa dâŋ i âgo mi ecnepic; Mesulam â Lewiŋic jaŋeraonec ŋic moc ʒâŋene Sabetai jahe ine dâŋ i dopeckepic.
16Eme kâpâcwâruonec risiembiŋ jaŋe iŋuc hâcne embiŋ. Eme Eʒerazi garikiŋ sâc irec ŋic micne buc buc ʒâŋe‐jeŋic muhuc bâwosâec‐jopawec. Eme jaŋe mosa 10 irec ʒoaŋ gie bapa 1 ira dâŋ i mu honec eniŋte waha ŋembiŋ.
17Eme juku fufuŋke mosare ʒoaŋ gie bapa 1 ira ŋic mâreŋ mockonec ŋokac rocjopambiŋ jaŋe wose biric ejarepie tarawec.
18Eme taha bapa jaŋere ɋâricfâc jaŋeraonec mâreŋ mockonec ŋokac rocjopambiŋ i ʒiŋuc bâfuac‐jopambiŋ: Maseja, Elieʒe, Jaribi â Jozadacte ŋokâ Jesuare ɋâricfâc jaŋeraonec ine Gedalia â qomâfâcne.
19Jaŋe ŋonâŋfâc‐jeŋic behec‐jopaniŋte mupaŋkerâ kiŋ tatarare taha bâzi rikeniŋte buc buc sapaonec lama ŋicne bafisimbiŋ.
20Eme Imerere ɋâricfâc jaŋeraonec ine ŋic ʒiŋuc jaŋe mâreŋ mockonec ŋokac rocjopambiŋ: Hanani â Ʒebadia.
21Harimte ɋâricfâc jaŋeraonec ine Maseja, Elia, Semaja, Jehiele â Uʒia.
22Pasahurure ɋâricfâc jaŋeraonec ine Elioenai, Maseja, Isimae, Netanele, Joʒabada â Elasa.
23Eme Lewiŋic jaŋeraonec ine Joʒabada, Simei, Kelaja (e Kelita hâcne), Petahia, Juda â Elieʒe.
24Eme gae hehe ŋic jaŋeraonec ine Eliasibi, haesac motâc soŋaŋ jaŋeraonec ine Salum, Telem â Uri.
25Erâ Israe ŋic jaŋerao ine Parosire ɋâricfâc jaŋeraonec Ramia, Iʒija, Malikia, Mijamiŋ, Eleaʒa, Hasabia â Benaja.
26Elamte ɋâricfâc jaŋeraonec ine Matania, Ʒekaria, Jehiele, Abadi, Jeremoti â Elia. Ʒature ɋâricfâc jaŋeraonec ine Elioenai, Eliasibi, Matania, Jeremoti, Ʒabadi â Aʒiʒa.
28Bebaire ɋâricfâc jaŋeraonec ine Johanaŋ, Hanania, Ʒabai â Atelai.
29Banire ɋâricfâc jaŋeraonec ine Mesulam, Adaja, Jasubu, Seali â Jeremoti.
30Pahati‐Moabire ɋâricfâc jaŋeraonec ine Adana, Kelali, Benaja, Maseja, Matania, Bezalele, Binui â Manase.
31Harimte ɋâricfâc jaŋeraonec ine Elieʒe, Isia, Malikia, Semaja, Simeoŋ,
32Benjamiŋ, Maluku â Semaria.
33Hasumte ɋâricfâc jaŋeraonec ine Matenai, Matata, Ʒabadi, Elifele, Jeremai, Manase â Simei.
34Banire ɋâricfâc jaŋeraonec ine Madai, Amaram, Ueli,
35Benaja, Bedeja, Keluki,
36Wania, Meremoti, Eliasibi,
37Matania, Matenai â Josu.
38Binuire ɋâricfâc jaŋeraonec ine Simei,
39Selemia, Nataŋ, Adaja,
40Mahanadebai, Sasai, Sarai,
41Aʒarele, Selemia, Semaria,
42Salum, Amaria â Josefe.
43Nebore ɋâricfâc jaŋeraonec ine Jeiele, Matitia, Ʒabadi, Ʒebina, Jadai, Joele â Benaja.
44Ŋic i jaŋe sasawa hâcne mâreŋ mockonec ŋokac rocjopambiŋ, erâ naru motecfâc‐jeŋic jaŋehec behec‐jopambiŋ.
