Än Salomon Fos 24:25-34

²⁵Nge ekewe soukapwüng mi apwüngü ekewe chon tipis repwe fefeitä o iteüöch.

²⁶Eman mi pälüeni chienan fän wenechar, iei asisilen ar pwipwiöchfengen fän let.

²⁷Kopwe akomwen amolätä o fotuki om kewe tanipi, pwe epwe wor mine kopwe manau seni, mürin na kopwap aüetä imwom o popuetä eu famili.

²⁸Kosap pwärätä mettoch mi ngau usun chon arum nge esap wor popun, kosap pwal apasa kapas atuputup usun.

²⁹Kosap apasa, “Ngang üpwe föri ngeni ewe aramas usun mine a föri ngeniei. Üpwe liwini ngeni won ükükün mine a föri ngeniei.”

³⁰Üa fetal ünükün än eman chon chipwang tanipi, üa fetal ünükün eu tanipin wain än eman aramas esap wor an mirit.

³¹Iwe, üa küna pwe ewe tanipi a kula ren iräfölüföl, ewe pwül a pwölüla ren pötöwölingau, nge tittin we tittin fau a sönüla.

³²Lupwen üa nenengeni ei, üa ekieki usun o kaiö eu lesen seni:

³³Ekis möür, ekis ächikichik, ekis kumwuchufengeni pau o asösö.

³⁴Nge lupwen ka möür, wöüngau me osupwang repwe toruk usun eman chon solä a feito fän an pisekin afeiengau.