Tinata Valavalar 24:25-34

²⁵Ma diat dia pit ra tena varpiam diat a gugu boko, Ma ra bo na nidoan na tadav diat.

²⁶Nina i bali vatakodo ra tinata, I da i galum ra bul na ngie i dat.

²⁷Una vaninara ure ra papalum aro ra pia, Ma una mal varurue ra tabarikik aro ra pupui; Ma namur una vatur kaum pal.

²⁸Koko una takun vakuku talaim, Ma koko una vartuam ma ra bul na ngiem.

²⁹Koko una biti dari: Da i ga pait ia tagu, damana ina bali ia pirana; Ina bali ka ra mangamangana kai nam ra tutana.

³⁰Iau ga vana alalu ta ra uma kai ra tabauma, Ma ta ra uma na vain kai ra lunga;

³¹Ma ea, ra kait i ga tavua tana, Ma i ga avur ma ra kara, Ma kana liplip na vat i ga kaina.

³²Io, iau ga bobe, ma iau ga nuk mal pa ia; Iau ga gire ma iau ga matoto tana.

³³Ta ik a niva boko, ma ta ik a mata vava, Da likun ra lima ta ik upi da ngo,

³⁴Damana ra kini na luveana na pot da ra kinakinao, Ma ra kini na niiba da ra tutana i kap vargal.