Pend-nesihetler 24:25-34

²⁵Biraq ular jinayetchining gunahini échip tashlighan kishidin xursen bolar, Ular uninggha bext-saadet tilisher.

²⁶Durus jawab bergüchi, Goyaki kishining lewlirige söygüchidur.

²⁷Awwal sirtta ishliringning yolini hazirlap, Étiz-ériqliringni teyyarla, Andin öyüngni salghin.

²⁸Yéqininggha qarshi asassiz guwahliq qilma; Aghzingdin héch yalghanchiliq chiqarma.

²⁹«U manga qandaq qilghan bolsa, menmu uninggha shundaq qilimen, Uning manga qilghinini özige yandurimen», dégüchi bolma.

³⁰Men hurunning étizliqidin öttim, Eqilsizning üzümzarliqi yénidin mangdim,

³¹Mana, her yéridin tikenler ösüp chiqqan, Xoxilar yer yüzini bésip ketken, Qoruq témi örülüp ketken!

³²Ularni körgech, obdan oylandim; Körginimdin sawaq aldim: —

³³Sen: «Yene birdem közümni yumuwalay, Yene birdem uxliwalay, Yene birdem put-qolumni almap yétiwalay» — déseng,

³⁴Namratliq bulangchidek séni bésip kéler, Hajetmenlik qalqanliq eskerdek sanga hujum qilar.