Prabebs 24:25-34

²⁵Bat if yu panishim detlot giltiwan pipul ebrijing garra wek gudwei blanga yu, en yu garra abum loda gudbala ting.

²⁶Enibodi hu tok streidat langa im fren, shoum im fren im rili laigim im.

²⁷Yu garra meiksho yu meigim pedik redibala en growimap sid daga basdam bifo yu bildimapbat yu haus.

²⁸Yu nomo tok sambodi im gilti wen im nomo gilti.

²⁹Yu nomo tok laiyawan wed o jinggabat miselp, “Ai garra peiyimbek im.”

³⁰Wal wantaim aibin gopas langa det greip fam blanga wan siliwan men.

³¹Ola jigininbala gras bin gro ebriweya na, en det stoniwan wol bin buldan.

³²Wen aibin luk tharran imbin titjimbat mi dijan.

³³Wen yu go en leidan langa yu sweig en yu abum lilwan silip en yu oldei jidan en dumbat najing,

³⁴kwikbala yu garra jidan nomo garram enijing jis laik sambodi bin kilimbat yu en stilimbat yu ebrijing.