Zekariah 2

1

2

3

4

5

6

7

8

9

10

11

12

13

14

¹U bayay ni pilyeg e changar rog e gguy be’ nib mo’on ni bay ba gaf u pa’ ni yima foleg ban’en ngay.

²Mug fith nug ga’ar, “Ngam man ngan?” Me fulweg ni ga’ar, “Nggu foleg yu Jerusalem ngguy n’umngin nge ga’ngin radan.”

³Ma aram mug guy fare engel niki i non nike yib i yib, miki yib yug reb e engel ngar mada’ gow.

⁴Me ga’ar, fa bin som’on e engel ko fa binem e engel, “Mmil ngamog ko re pagel nem ni bay fare gaf u pa’ ni yima foleg ban’en ngay nib yo’or e girdi’ nge yuran’ i gamanman u lan yu Jerusalem ni kay gi ga’ ni ngan rungrunguy.

⁵Ya SOMOL e ke micheg ni ir e bayi mang rungrung nib nifiy u wuru’ fare binaw ni nge yororiy ni dabi buch ban’en riy mu rom e bay i par riy nike sug nag felngin.”

⁶I ga’ar SOMOL ko girdi’ rok, “Gu werweregmed u gubin yang. Machane chiney e gimed e pi kalbus e kam thay gad u Babylon kam sulod nga Jerusalem.

⁸En nra bat nag bigmed e ke bat nag e n’en th’abi fel’ u wun’ug.” Ere SOMOL ni Gubin ma Rayag Rok e ke l’ogeg ni nggog e thin rok ko pi nam ni ur giliw niged e girdi’ rok:

⁹“I SOMOL e ir e bayi cham nib togopluw ngomed, ma pi girdi’ ni urmed bangiyal’ ni ur pigpig gad romed e bay i mangyad e ra giliw niged gimed.” Nap’an nra buch e ren’ey, ma gubin e girdi’ nra nang ni SOMOL ni Gubin ma Rayag Rok e ke l’ogeg.

¹⁰Ke ga’ar SOMOL, “Mu tang niged e felfelan’ gimed piyu Jerusalem! Arme kugub ni nggu par u fithik’med!”

¹¹Re ngiyal’ i n’em e ba yo’or e nam nra yib ngak SOMOL ngar manged girdi’en. Bayi par u fithik’med, mi gimed nang ni ir e ke l’oegeg kugub ngomed.

¹²Bay i sul bayay yu Judah nge par nib mal’eag nib milfan ngak SOMOL u lan e nam rok nib thothup, ma yu Jerusalem e bay i par ni fare binaw ni th’abi t’uf rok.

¹³Mu th’abed gulungmed gimed gubin e girdi u p’eowchen SOMOL, ya arme ke yib u tagil’ nib thothup.