1Luda gbɛ̃ Musa aduakɛnaa. Dikiri, ó utɛkimɛ n ũ wɛ̃̀ kũ wɛ̃̀ɛo.
2De ń kpɛ́ ǹ kpinↄ kɛ, de ń kpɛ́ ǹ zĩtɛ kũ anduniao kátɛ, Ludamɛ n ũ zaa káaku ari gↄrↄ sĩnda pínki.
3N dìtɛ kũ bisãsiri ɛra zĩtɛ, ndì pińnɛ ò ɛra bùsun.
4Wɛ̃̀ wàa sↄↄro dennɛ lán gↄrↄ do bà, à dennɛ lán gĩa ke gwãani zaka bà.
5Ndì bisãsiri sɛ́ kũ ga'io, ò de lán sɛ̃̀ yĩda bà kↄnkↄ.
6Àdi butɛ kↄnkↄ à gbã, àdi yitoro kũ ↄkↄsi à kori kɛ.
7N pↄfɛ̃ dì ó kakatɛ, n patammanaa dì swɛ̃̀ kɛ̃ógu.