Yaburina 90:1-7

¹Nabi Musa, Alaa xɛrana maxandina. Marigina, i tan nan findixi nxu yigiyaden na, keli waxati danguxine ma han habadan.

²Benun geyane xa da, benun bɔxɔ xɔnna nun dunuɲa yɛtɛɛn xa da, xabu a fɔlɔni, han to, han habadan i tan nan Ala ra.

³I tan nan muxune raxɛtɛma bɛndɛni, i yi a fala, i naxa, “Adamadiine, ɛ xɛtɛ ɛ kelideni.”

⁴Bayo ɲɛɛ wuli kedenna luxi nɛn i yɛɛ ra yi alo xii keden danguxina, alo kɔɛ kedenna.

⁵I tan nan muxun niin bama, a dangu alo xɔtɔn ma xixɔnla, alo sɛxɛn naxan solima.

⁶Xɔtɔnni, a ɲingi, a sabati, ɲinbanna na maso, a lisi a ra, a xara.

⁷I ya xɔlɔna nxu yigitɛgɛma nɛn, a yi nxu ɲan.