ZABURA 41:1-8

¹Dauda lɛ̀ɛ. Arubarikaden gbɛ̃ kũ àdi gbãnasaride yã da ũ, Dikiri dì a bo warikɛnagↄrↄa.

²Dikiri ni à dãkpã à a gba wɛ̃̀ndi gbã̀na, ani arubarika daagu a bùsun, ani a kpá a ibɛrɛnↄa ò ń pↄyeina kɛaro.

³Dikiri ni zɛ kãao tó à wutɛna gyãn, ani tó à futɛ gyã pìn aafia.

⁴Ma pì: Dikiri, ma durunna kɛ̀nnɛ, ǹ ma wɛ̃nda gwa, ń ma gba aafiaa.

⁵Ma ibɛrɛnↄ tɛni ma wɛtɛ kũ gao ò pì: Bↄrɛn ani ga de a tↄ́ sãtɛɛ?

⁶Tó ò sù ma gwa, yã pãn òdi omɛnɛ, òdi baaru vãni wɛtɛ ma yã musu, gbasa òdi futɛ ò gɛ́ ò yã pì fã bàai.

⁷Ma zãngurinↄ dì ma kpákpa kũ yã vãnio, ń pínki òdi àlesi vãni dↄma ò pi:

⁸Gagagyã mɛ́ à a lè, ani futɛ a wutɛna bire gũn doro.