ZABURA 31:11-20

¹¹Ma gbɛ̃dakenↄ dì ma gya bo ma ibɛrɛnↄ yãi, ma yã dì ma gbɛ̃nↄ gba vĩna manamana, gbɛ̃ kũ odì dakarɛ batunↄ dì pãmɛnɛ.

¹²Ma yã dí dↄ gbɛ̃kegu doro, ma gↄ̃ lán gɛ̀ɛ bà, ma gↄ̃ńnɛ lán oro kaso bà.

¹³Madì ma kũ gbɛ̃nↄ tɛni ma pi dasi, vĩnapↄnↄn likamai. Òdi kakara ò lɛ́ kpákũsũmai, òdi lɛ́dokↄ̃nↄ kɛ ma wɛ̃̀ndibona yãi.

¹⁴Ama ma n náani kɛ̀ Dikiri, madì pi ma Ludamɛ n ũ.

¹⁵Ma wɛ̃̀ndii dìgↄ̃ kú n ↄĩ gↄrↄ sĩnda pínki, ǹ ma sí ma ibɛrɛ kũ òtɛni ma wɛtɛ ò ma dɛnↄ ↄĩ.

¹⁶Ǹ ãn were makũ n zↄ̀bleriia, ń ma sura ba n yenyĩ gũn.

¹⁷Dikiri, ǹsun tó wé'i ma kũro, zaakũ ma wiki lɛ̀mma. Ǹ tó wé'i yãvãnikɛrinↄ kũ, ǹ tó ń lɛ́ gↄ̃ nakↄ̃ana gyãwãnn,

¹⁸ǹ tó ɛ́kɛtorii pìnↄ nɛ́nɛ natɛ. Òdi dↄkɛ kũ gbɛ̃ mananↄ, òdi ń gya bo kũ ĩadãnaao.

¹⁹Aruzɛkɛ kũ n kàkara n vĩnakɛrinↄnɛ zↄ̃kↄ̃, ndì arubarika da gbɛ̃ kũ ò nanyĩnↄgu gbɛ̃ sĩnda pínki wára.

²⁰Tó gbɛ̃nↄ lɛ́ kpàkũsũńyĩ, ndì ń utɛ n kuru, tó òtɛn lɛ́kpakↄ̃a kɛ kũńwo, ndì ń dãkpã n kukia.