Salamo 31:11-20

¹¹Ea hemala agu waiunuyao edi abaalaliuliuwa, helegu‐tau‐mia‐tataodi edi abamatamatausi, egu dodogayao edi abatabutabubu; aidobudi dobila eai se itagu abo se dagogabaegu.

¹²Se nuahuiegu doha tau matematena, agu ao doha gulewa tamotamogoruna.

¹³Agueamoisa, monumonunu gamagaridi ea ataiedi— tupo gamagari eai matausi lailai!— Se oioiribagogo bena se hebaaeagu, se nuatueamuyamui bena se unuigu.

¹⁴Na, GUIAU e, egu sunuma ede oa arim eai, ea ene, “Oa egu Eaubada ede.”

¹⁵Egu mauri asubenadi gamagaridi ede oa nimam eai; agu waiunuyao, eo tauheamamnagu nimadi eai bena oa u saguhaigu!

¹⁶Bena am ao u hesina em heaheari tauna potana eai; em gadosisi miatahitahina arinai bena u abihemaurigu!

¹⁷Tabu se hetaumaemaeagu GUIAU e, paana ea eogasaewa arim eai. Isi mo tatao manamanabaradi bena se hetaumaeamaeadi, bena se hetagugudi, eo se laedi Hade eai.

¹⁸Sopa boraboradi bena se unauna, aidobu tatao laulaududurai se ribahebaaeadi, nuasaesae eo isuewa debana eai.

¹⁹Em abilolo i lai ariariri u nonohai isi taumatausiem enadi, eo isi eai to eai se ailogulogu oa arim eai tatao matadi eai!

²⁰Oa nuanuam eai u hebawayamuidi tatao edi nuatu hebahebaaea aridi eai; logulogum eai u ganaganaidi arina baaea aridi eai.