ZABURA 142:1-7

¹Dauda aduakɛna gↄrↄ kũ à kú gbɛ̀wɛɛn. Matɛn ↄ́ gbãna dↄ Dikirinɛ, matɛn wɛ̃nda wiki lɛ́ Dikiria.

²Matɛni ma yã'ũmmana bↄtɛnɛ, matɛni ma warikɛna gbãnɛ.

³Tó ma nɛ̀sɛɛ yàka manamana, mↄkↄ̃n, ndìgↄ̃ ma gɛ̀sɛsɛna dↄ̃. Ò tankutɛ kpàkpamɛnɛ ma zɛ́n.

⁴Ǹ wɛ́ sɛ́ ǹ ma ↄpla gwa, gbɛ̃ke dì ma yã daro. Má naki vĩ doro, gbɛ̃ke dì ma aafiaa gbɛkaro.

⁵Dikiri, matɛn wiki lɛ́mma ma pì: Mↄkↄ̃mmɛ ma utɛki ũ, mↄkↄ̃mmɛ ma baka ũ andunian.

⁶Ǹ sã kpá ma wikilɛnaai, zaakũ ma gↄ̃ múkumukumɛ. Ǹ ma sí gbɛ̃ kũ òtɛn pɛ́manↄa, zaakũ ń gbãna demala.

⁷Ǹ ma bo kagura díkĩnan, de mà n tↄ́ bo, gbasa gbɛ̃ mananↄ likamai kũ n yã mana kɛ̀mɛnɛ yãi.