Pisalem 142:1-7

¹Au e gahigahi a Dimaadua belee hagamaamaa au, e madau hagamahi gi Mee.

²Au e hagi anga gi Mee ogu dee donu huogodoo. Au e hagi anga gi Mee ogu haingadaa huogodoo.

³Dogu madagoaa hua ga bagege ogu lodo, gei Mee e iloo Ia be ma di aha dela e humalia belee hai ko au. Ogu hagadaumee guu dugu hagammuni nadau hele belee hele au i lodo nia ala e haele iei au.

⁴Dogu madagoaa ne mmada gi ogu daha, gei au gu gidee bolo ma tangada i golo bolo e hagamaamaa au ai, ge tangada e abaaba au ai, gei tangada hogi e hagadahidamee au ai.

⁵Meenei Dimaadua, au e gahigahi Goe belee hagamaamaa au. Kooe, meenei Dimaadua, ma dela hua Kooe dela go dogu abaaba, ma dela hua Kooe dela e hiihai ginai au i lodo di mouli nei.

⁶Hagalongo mai gi dagu gahigahi di hagamaamaa, idimaa au gu abulu gi lodo di haingadaa. Haga dagaloaha ina au gi daha mo ogu hagadaumee, digaula e maaloo dangihi balua i di au.

⁷Hagamehede ina au gi daha mo ogu haingadaa, gei au ga hagaamu Goe i lodo nia dagadagabuli o au daangada, idimaa Goe dela e dumaalia mai gi di au.