Womusu 98:4-8

⁴Bɛɛ hɑnduniɑɡibu kpuro, i nɔɔɡiru suo kɑ nuku dobu. I nuku dobun kuuki koowo i kɑ nùn siɑrɑ i nùn tɔmɑ kɑ womusu.

⁵I nùn womusu kuo kɑ mɔrɔkunu. I nùn tɔmɔ kɑ ɡɔ̃ɔɡenu.

⁶I nùn womusu kuo kɑ kɔbi kɑ ɡuunu. I tɑki koowo wi, sinɑ bokon wuswɑɑɔ kɑ nuku dobu.

⁷Nim wɔ̃ku kɑ ye yɑ wɑ̃ɑ ɡe sɔɔ, yu nɔɔɡiru suo. Tem kɑ ye yɑ wɑ̃ɑ mɛ sɔɔ, yu womu koowo.

⁸Dɑɑ bɑkɑnu nu tɑki koowo. Guunu nu nuku dobun kuuki koowo sɑnnu sɑnnu Yinni Gusunɔn wuswɑɑɔ.