Womusu 89:16-25

¹⁶Yinni Gusunɔ, doo nɔɔruɡibɑ be bɑ rɑ nun tɑkɑru ko. Bɑ rɑ sĩwɑ yɑm bururɑm sɔɔ wunɛn wuswɑɑɔ.

¹⁷Bɑ koo nuku dobu ko tɔ̃ɔ bɑɑtere wunɛn yĩsirun sɔ̃. Kpɑ bu bɛɛrɛ wɑ wunɛn ɡem sɔ̃.

¹⁸Domi wunɑ ɑ sɑ̃ɑ ben dɑm kɑ ben bɛɛrɛ. Wunɛn sɑɑbuwɑ sɑ tɑ̃simɔ.

¹⁹Yinni Gusunɔ, wunɑ ɑ sɑ̃ɑ bɛsɛ Isirelibɑn tɛrɛru. Wunɛ Dɛɛro, wunɑ ɑ sɑ̃ɑ bɛsɛn sinɑ boko.

²⁰Gɑsɔ, ɑ kɑ wunɛn sɔm kowo be ɑ nɑɑnɛ sɑ̃ɑ ɡɑri kuɑ kɑ̃siru sɔɔ ɑ nɛɛ, ɑ wunɛn dɑm tɑbu durɔ dɑmɡii ɡoo wɛ̃. A nùn ɡɔsɑ wunɛn tɔmbun suunu sɔɔn di ɑ wɔlle suɑ.

²¹Wiyɑ Dɑfidi wunɛn sɔm kowo. Wiyɑ ɑ bɑndun ɡum tɑ̃re.

²²Wunɛn nɔmu ɡɑ ko n nùn nɛniwɑ kem kem. Geyɑ ɡɑ ko n sɑ̃ɑ win dɑm.

²³Yibɛrɛbɑ bɑ ǹ kpɛ̃ bu nùn sɑmbɑ ko. Tɔn kɔ̃sobu bɑ ǹ kpɛ̃ bu nùn dɑm dɔre.

²⁴Kɑɑ win yibɛrɛbɑ kpeerɑsiɑ. Kɑɑ be bɑ nùn tusɑ sɛ̃suku.

²⁵Wunɛn bɔrɔkiniru kɑ wunɛn tɔn ɡeerɑ ko n wɑ̃ɑ kɑ wi. Kpɑ ɑ nùn dɑm wɛ̃ kɑ wunɛn yĩsiru.